കയ്പമംഗലം: കാരുണ്യത്തിന്റെ മുഖമായി കടന്നു പോയ പാണക്കാട് മുഹമ്മദലി ശിഹാബ് തങ്ങളുടെ ഓര്‍മ്മ ദിനത്തില്‍ കാരുണ്യത്തിന്റെ സ്പര്ശനവുമായി മുസ്‌ലിം ലീഗ് കയ്പമംഗലം മണ്ഡലം കമ്മിറ്റി മുന്നോട്ട്. മണ്ഡലം മുസ്‌ലിം ലീഗ് കമ്മിറ്റിയുടെ ആഭിമുഖ്യത്തില്‍ ഒരു വര്‍ഷക്കാലം നീണ്ടു നില്ക്കുന്ന പരിപാടിക്കാണ് രൂപം നല്കിയിരുക്കുന്നത്. കെ.എം.സി.സി യുടെ സഹകരണത്തോടെ പെരിഞ്ഞനം പ്രാഥമിക ആരോഗ്യ കേന്ദ്രത്തിലെ രോഗികള്‍ക്കും കൂട്ടിരിപ്പുകാര്‍ക്കും പ്രാതല്‍ ഭക്ഷണം നല്‍കുന്ന പദ്ധതിയാണ് സ്‌നേഹസ്പര്‍ശം.

മുസ്‌ലിം ലീഗ് സംസ്ഥാന സെക്രട്ടറി കെ.എസ് ഹംസ പദ്ധതിയുടെ ഉദ്ഘാടനം നിര്‍വ്വഹിച്ചു. മുസ്‌ലിം ലീഗ് മണ്ഡലം പ്രസിഡന്റ് പി.ബി താജുദ്ദീന്‍ അധ്യക്ഷനായി. മെഡിക്കല്‍ സൂപ്രണ്ട് ഡോ: സാനു പരമേശ്വരന്‍, പഞ്ചായത്ത് മെമ്പര്‍ റീന ദേവദാസ്, യൂത്ത് ലീഗ് ജില്ലാ പ്രസിഡന്റ് കെ.കെ അഫ്‌സല്‍, മുസ്‌ലിം ലീഗ് മണ്ഡലം ഭാരവാഹികളായ കെ.എ. സുലൈമാന്‍, ടി.കെ ഉബൈദ്, കെ.ബി ഹംസ, വി.എം. മുഹമ്മദ് ഹനീഫ, നേതാക്കളായ പി.കെ. മുഹമ്മദ്, കെ.എം. നിഷാദ്, ടി.കെ. സെയ്ദു, ടി.എ ഫഹദ്, പി.എസ്. സജിത്ത്, കെ.കെ.അന്‍സാരി എന്നിവര്‍ സംസാരിച്ചു. മണ്ഡലം ജന.സെക്രട്ടറി പി.കെ. ഹംസ സ്വാഗതവും ട്രഷറര്‍ എസ്.എ .സിദ്ദീഖ് നന്ദിയും പറഞ്ഞു.