പെര്‍ത്ത്: ന്യൂസിലെന്‍ഡിനെതിരായ ഒന്നാം ക്രിക്കറ്റ് ടെസ്റ്റില്‍ ആതിഥേയരായ ആസ്‌ത്രേലിയക്ക് ഒന്നാം ഇന്നിങ്‌സില്‍ മികച്ച സ്‌കോര്‍.
മൂന്നാം ദിനം കളി നിര്‍ത്തുമ്പോള്‍ ഓസീസ് മികച്ച നിലയിലാണ്. ഓസീസിന്റെ 416 റണ്‍സ് പിന്തുടരാന്‍ ഇറങ്ങിയ കിവികള്‍ക്ക് 166 റണ്‍സ് മാത്രമേ കൂട്ടിച്ചേര്‍ക്കാന്‍ സാധിച്ചുള്ളു.
ഓസീസ് ബൗളിങ്ങിന് മുന്നില്‍ ന്യൂസിലന്‍ഡിന് പിടിച്ചുനില്‍ക്കാനായില്ല. ര@ണ്ടാം ദിനം നാല് വിക്കറ്റിന് 248 റണ്‍സെന്ന നിലയില്‍ കളി തുടര്‍ന്ന ആസ്‌ത്രേലിയക്കുവേ@ണ്ടി ലബുഷെയ്ന്‍ 143 റണ്‍സെടുത്ത് പുറത്തായി. ട്രാവിസ് ഹെഡ്(56), ടിം പെയ്ന്‍(39), പാറ്റ് കമ്മന്‍സ്(20), മിച്ചല്‍ സ്റ്റാര്‍ക്ക്(30) എന്നിവരും കാര്യമായ സംഭാവന ചെയ്തു. ഇതാണ് ഓസീസിന് മികച്ച സ്‌കോര്‍ സമ്മാനിച്ചത്
ആദ്യദിനം ഓപ്പണര്‍ ഡേവിഡ് വാര്‍ണറും (43), സ്റ്റീവ് സ്മിത്തും (43) പുറത്തായിരുന്നു. ന്യൂസിലന്‍ഡിനായി നാലു വിക്കറ്റെടുത്ത ടിം സൗത്തി, നെയ്ല്‍ വാഗ്‌നര്‍ എന്നിവരാണ് മികച്ച് നിന്നത്.
മത്സരത്തിനിടെ ലോക്കി ഫെര്‍ഗൂസന്‍ പരുക്കേറ്റ് മടങ്ങിയത് ന്യൂസിലന്‍ഡിന് കനത്ത തിരിച്ചടിയായി.
ആദ്യ ഇന്നിങ്‌സ് കളി തുടങ്ങിയ ന്യൂസിലന്‍ഡിന് പ്രതീക്ഷിച്ച തുടക്കം ലഭിച്ചില്ല.
ഓപ്പണര്‍മാരായ ജീത്ത് റാവല്‍(1), ടോം ലതാം(0) എന്നിവര്‍ ക്ഷണത്തില്‍ മടങ്ങിയത് സന്ദര്‍ശകര്‍ക്ക് തിരിച്ചടിയായി.x