ആലപ്പുഴ: 59ാമത് സംസ്ഥാന സ്‌കൂള്‍ കലോത്സവത്തോടനുബന്ധിട്ട് നടന്ന അറബി കലോത്സവത്തില്‍ തിളങ്ങിയത് വയനാട് മുസ്‌ലിം ഓര്‍ഫനേജിന് കീഴില്‍ പ്രവര്‍ത്തിക്കുന്ന സ്‌കൂളുകളിലെ കുട്ടികള്‍. ഡബ്ല്യു.ഒ.വി.എച്ച്.എസ് മുട്ടില്‍, ഡബ്ല്യു.ഒ.എച്ച്.എസ്.എസ് പിണങ്ങോട് എന്നീ സ്‌കൂളുകളിലെ കുട്ടികളാണ് വിവിധ ഇനങ്ങളില്‍ മികവ് തെളിയിച്ചത്. ഡബ്ല്യു.ഒ.വി.എച്ച്.എസിലെ മുഹമ്മദ് ആദിലും മുഹമ്മദ് ഷഫിനും ഇരട്ടവിജയവും നേടി.ഇവര്‍ ചേര്‍ന്ന് നടത്തിയ അറബിക് സംഭാഷണത്തിന് എഗ്രേഡുണ്ട്.കൂടാതെ മുഹമ്മദ് ആദില്‍ അറബിക് ട്രാന്‍സലേഷനിലും മുഹമ്മദ് ഷഫിന്‍ അറബിക് ഉപന്യാസത്തിലും എഗ്രേഡ് നേടി.ഡബ്ല്യു.ഒ.എച്ച്.എസ്.എസിലെ മുഹമ്മദ് ജസീറിനാണ് മുഷാവറയില്‍ എഗ്രേഡ്. അറബിക് കഥാപ്രസംഗത്തില്‍ ഇതേസ്‌കൂളിലെ തന്നെ മുഹമ്മദ് റിഷാദും അറബിക് പ്രശ്‌നോത്തരിക്ക് മുഹമ്മദ് നബീലും എഗ്രേഡ് നേടി.