തുറവൂര്‍: പഞ്ചായത്ത് അനുമതി നിഷേധിച്ച  അനധികൃത ടയര്‍ റീ ട്രെഡിങ് സ്ഥാപനം പ്രവര്‍ത്തനം തുടരുന്നു. തുറവൂര്‍ പഞ്ചായത്ത് ഓഫീസിന് വിളിപ്പാടകലെ പ്രവര്‍ത്തിക്കുന്ന സ്ഥാപനം രൂക്ഷമായ പരിസ്ഥതി മലിനീകരണം സൃഷ്ടിക്കുന്നുവെന്ന പരിസരവാസികളുടെ പരാതിയുടെ അടിസ്ഥാനത്തിലാണ്  പഞ്ചായത്ത് സെക്രട്ടറി പ്രവര്‍ത്തനാനുമതി നിഷേധിച്ചത്. പരിസരവാസികള്‍ നല്‍കിയ പരാതിയുടെ അടിസ്ഥാനത്തില്‍ പ്രവര്‍ത്തനം നിരോധിച്ചു കൊണ്ട് സെക്രട്ടറി ഉത്തരവിട്ടിരുന്നു. എന്നാല്‍, നിരോധനം മറിക്കടന്നും സ്ഥാപം പ്രവര്‍ത്തനം തുടരുകയാണ്. സ്ഥാപനത്തില്‍ നിന്നുള്ള വായു മലിനീകരണം മൂലം അയല്‍വാസികള്‍ ശ്വാസതടസം പോലുള്ള രോഗങ്ങള്‍ മൂലം ദുരിതത്തിലാണ്.  സ്ഥാപനത്തിനെതിരെ  അധികൃതര്‍ നടപടി സ്വീകരിക്കാത്തതിനാല്‍ പഞ്ചായത്ത് ഡയറക്ടര്‍ക്ക് പരാതി നല്‍കാന്‍ ഒരുങ്ങുകയാണ് സമീപവാസികള്‍.