കല്‍പ്പറ്റ: കൈനാട്ടിയിലെ മെഡിക്കല്‍ ഷോപ്പ് അടക്കം ആറ് വ്യാപാര സ്ഥാപനങ്ങളില്‍ മോഷണം. ഞായറാഴ്ച്ച രാത്രിയിലാണ് മോഷണം നടന്നത്. കൈനാട്ടി മെഡിക്കല്‍സ്, കെ.പി സ്റ്റോര്‍, സിറ്റി സലൂണ്‍, കൈനാട്ടി ലബോറട്ടറി, സേഫ്റ്റി ഇലക്ട്രോണിക്‌സ് എന്നീ സ്ഥാപാനങ്ങളിലാണ് മോഷണം നടന്നത്. പണവും മൊബൈല്‍ ഫോണും വില്‍പ്പനക്കായി സൂക്ഷിച്ച വസ്തുക്കളുമാണ് മോഷ്ടിക്കപെട്ടത്. ഷട്ടറിന്റെ പൂട്ട് അറുത്ത് മാറ്റിയാണ് കടകളില്‍ കയറിയത്. കടകളിലെ മേശ വലിപ്പ് തകര്‍ത്ത നിലയിലാണ്. വിവിധ കടകളില്‍ നിന്നായി ഇരുപതിനായിരം രൂപയോളം നഷ്ടപെട്ടു. കൂടാതെ രണ്ട് മൊബൈല്‍ ഫോണുകളും നഷ്ടപ്പെട്ടിട്ടുണ്ട്. കടകളില്‍ നിന്നും വില്‍പ്പനക്കായി വച്ച വിവിധ ഉല്‍പ്പന്നങ്ങളും നഷ്ടപെട്ടിട്ടുണ്ട്. പൊലിസ് കേസെടുത്ത് അന്വേഷണം തുടങ്ങി.