കുട്ടനാട്: ഇനിയും ഒരു യുദ്ധം ഉണ്ടാകരുതെന്നുള്ള പ്രാര്‍ത്ഥനയോടെ വെള്ളരിപ്രാവിനെ ആകാശത്തേക്ക് പറപ്പിച്ച് എടത്വ സെന്റ് അലോഷ്യസ് ഹൈസ്‌കൂള്‍ വിദ്യാര്‍ത്ഥികള്‍ ഹിരോഷിമാ ദിനാചരണം നടത്തി.
പ്രിന്‍സിപ്പല്‍ ഡോ. ആന്റണി മാത്യു ഉദ്ഘാടനം നിര്‍വഹിച്ചു. പി.ടി.എ. പ്രസിഡന്റ് ഡോ. ജോണ്‍സണ്‍ വി. ഇടിക്കുള അധ്യക്ഷത വഹിച്ചു.
 സീനിയര്‍ അസിസ്റ്റന്റ് ഏലിയാമ്മ ജോസഫ് യുദ്ധവിരുദ്ധ പ്രതിജ്ഞ വിദ്യാര്‍ത്ഥികള്‍ക്ക് ചൊല്ലി കൊടുത്തു. സയന്‍സ് ക്ലബ്ബ് കോര്‍ഡിനേറ്റര്‍ സില്‍ജോ സി. കണ്ടത്തില്‍, പി.റ്റി.എ. സെക്രട്ടറി ബില്‍ബി മാത്യു, ജോസുകുട്ടി സെബാസ്റ്റ്യന്‍, ജോസ് ജെ. വെട്ടിയില്‍, റോസ് കെ. ജേക്കബ്, ടോം ചാക്കോ, അന്‍സമ്മ സി.സി. സംസാരിച്ചു.
സമാധാനത്തിന്റെ പ്രതീകമായ സുഡാക്കോ കൊക്കുകളെ വിദ്യാര്‍ത്ഥികള്‍ അണിനിരത്തി. നാഗസാക്കി ദിനമായ ഇന്ന് വിദ്യാര്‍ത്ഥികള്‍ക്ക് പോസ്റ്റര്‍ രചന മത്സരം രണ്ട് മണിക്ക് നടത്തും.