കൊല്ലം: കമ്മ്യൂണിസ്റ്റ് പാര്‍ട്ടി നേതാവായിരുന്ന ജി. കാര്‍ത്തികേയന്റെ സ്മരണാര്‍ത്ഥം ജി. കാര്‍ത്തികേയന്‍ ഫൗണ്ടേഷന്‍ ഏര്‍പ്പെടുത്തിയ പുരസ്‌കാരത്തിന് ഏഴാച്ചേരി രാമചന്ദ്രന്‍ അര്‍ഹനായതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
11111 രൂപയും പ്രശസ്തി പത്രവും ശില്പവുമടങ്ങുന്ന പുരസ്‌കാരം 24ന് വൈകിട്ട് 4ന് ആദിനാട് ജി. കാര്‍ത്തികേയന്‍ ലൈബ്രറി അങ്കണത്തില്‍ ചേരുന്ന സമ്മേളനത്തില്‍ സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ സമ്മാനിക്കും.
ഫൗണ്ടേഷന്‍ ചെയര്‍മാന്‍ എന്‍. അനിരുദ്ധന്‍ അധ്യക്ഷനാകും. ജില്ലാ പഞ്ചായത്ത് പ്രസിഡന്റ് സി. രാധാമണി, യു.ഡി.എഫ് ജില്ലാ കണ്‍വീനര്‍ കെ.സി. രാജന്‍, സ്വാഗതസംഘം ചെയര്‍മാന്‍ കെ.പി. വിശ്വവത്സലന്‍, ഡോ. വള്ളിക്കാവ് മോഹന്‍ദാസ് തുടങ്ങിയവര്‍ പങ്കെടുക്കും.
ആര്‍. രാമചന്ദ്രന്‍ എം.എല്‍.എ അനുസ്മരണ പ്രഭാഷണം നടത്തും.
വാര്‍ത്താ സമ്മേളനത്തില്‍ ഫൗണ്ടേഷന്‍ ചെയര്‍മാന്‍ എന്‍. അനിരുദ്ധന്‍, സെക്രട്ടറി കെ. സെയ്ദ് കുമാര്‍, ജോയിന്റ് സെക്രട്ടറി പ്രൊഫ. നിസാര്‍ കാത്തുങ്ങല്‍, ജഡ്ജിംഗ് കമ്മിറ്റി അംഗം ഡോ. വള്ളിക്കാവ് മോഹന്‍ദാസ് തുടങ്ങിവര്‍ പങ്കെടുത്തു.