കൊല്ലം: സ്പിരിറ്റില്‍ കളര്‍ ചേര്‍ത്ത് വ്യാജമായി നിര്‍മിച്ച 14 ലിറ്റര്‍ വിദേശമദ്യവുമായി കൊല്ലം താലൂക്കില്‍ പൂതക്കുളം വില്ലേജില്‍ പേപ്പാലുംമൂട് ദേശത്ത് സജീവ് സദനം വീട്ടില്‍ സജീവന്‍പിള്ളയെ കൊല്ലം എക്‌സൈസ് സംഘം പിടികൂടി.  സ്പിരിറ്റില്‍ കളര്‍ചേര്‍ത്ത് ഒരു ലിറ്ററിന്റെ കുപ്പികളില്‍ നിറച്ച് വ്യാജ സ്റ്റിക്കറുകള്‍ പതിച്ച് വില്‍പ്പനയ്ക്കായി വീട്ടില്‍ സൂക്ഷിച്ചതിനാണ് പ്രതിയെ പിടികൂടിയത്. കൊല്ലം എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ഐ.നൗഷാദിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ കൊല്ലം എക്‌സൈസ് സര്‍ക്കിള്‍ ഓഫിസിലെ പ്രിവന്റീവ് ഓഫിസര്‍മാരായ രാജു, ജോണ്‍, അരുണ്‍ സിവില്‍ എക്‌സൈസ് ഓഫീസര്‍മാരായ ദിലീപ്കുമാര്‍, എവേഴ്‌സണ്‍ ലാസര്‍, വിഷ്ണുരാജ്, അനീഷ്, അനില്‍ എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്. ക്രിസ്മസ് - ന്യൂ ഇയര്‍ സ്‌പെഷ്യല്‍ ഡ്രൈവിനോടനുബന്ധിച്ചാണ് റെയ്ഡ് നടന്നത്.
പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.