ന്യൂഡല്‍ഹി: കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയും ബി.ജെ.പി ദേശീയാധ്യക്ഷന്‍ അമിത്ഷായും തമ്മില്‍ വാക്‌പോര്. ഇന്നലെ രാഹുല്‍ ഗാന്ധിയെ രൂക്ഷമായി വിമര്‍ശിച്ചും പരിഹസിച്ചുമാണ് അമിത്ഷാ രംഗത്തെത്തിയത്. സ്വാതന്ത്ര്യം കിട്ടിയതിന് തൊട്ടുപിന്നാലെ കോണ്‍ഗ്രസിനെ പിരിച്ചുവിടാന്‍ മഹാത്മാ ഗാന്ധി ആഹ്വാനം ചെയ്തിരുന്നു. എന്നാല്‍ ഇപ്പോള്‍ മറ്റൊരു ഗാന്ധി അത് നിര്‍വഹിച്ചുകൊണ്ടിരിക്കുകയാണെന്നാണ് അമിത്ഷാ പരിഹസിച്ചത്. വികസനത്തിന് വ്യക്തമായ കാഴ്ചപ്പാടുമായി അധികാരത്തിലേറിയ ബി.ജെ.പി, അടുത്ത തെരഞ്ഞെടുപ്പിലും വിജയം ആവര്‍ത്തിക്കുമെന്നും അദ്ദേഹം അവകാശപ്പെട്ടു.