കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ ഹജ്ജിന് പോകുന്ന തീര്‍ഥാടകരുടെ ലോഹ വളയും ഐ.ഡി കാര്‍ഡും ഹജ്ജ് ക്യാംപിലെത്തി. കവര്‍ നമ്പര്‍ കൊത്തിവച്ച ലോഹവള തീര്‍ഥാടകരെ തിരിച്ചറിയുന്നതിനാണ് നല്‍കുന്നത്.
12,500 മൊബൈല്‍ സിംകാര്‍ഡുകള്‍ ഒരാഴ്ച മുന്‍പ് എത്തിയിരുന്നു. തീര്‍ഥാടകരുടെ പാസ്‌പോര്‍ട്ടുകളാണ് ഇനി എത്താനുള്ളത്. പാസ്‌പോര്‍ട്ടുകളില്‍ വിസ സ്റ്റാമ്പിങ് പൂര്‍ത്തിയായിവരികയാണ്. ഹജ്ജ് സെല്‍ ഉദ്യോഗസ്ഥരാണ് പാസ്‌പോര്‍ട്ടും മറ്റു രേഖകളും തീര്‍ഥാടകര്‍ക്ക് കൈമാറുക. തീര്‍ഥാടകരുടെ യാത്രാ തിയതി അടുത്ത ദിവസം ലഭിക്കുമെന്ന് സംസ്ഥാന ഹജ്ജ് കമ്മിറ്റി അറിയിച്ചു.