മക്ക: വിശുദ്ധ കഅ്ബയെ അണിയിച്ച കിസ്‌വ ഹറംകാര്യ വകുപ്പ് അധികൃതര്‍ അടുത്തയാഴ്ച ഉയര്‍ത്തിക്കെട്ടും. ഹജ്ജിനെത്തുന്ന തീര്‍ഥാടകരുടെ തിരക്ക് കണക്കിലെടുത്താണ് മുന്‍ വര്‍ഷങ്ങളെ പോലെ കഅ്ബയുടെ കിസ്‌വ സുരക്ഷയ്ക്കായി ഉയര്‍ത്തുന്നത്.
തറനിരപ്പില്‍നിന്നു മൂന്ന് മീറ്റര്‍ ഉയരത്തിലായാണ് കിസ്‌വ ഉയര്‍ത്തിക്കെട്ടുക. കിസ്‌വ ഉയര്‍ത്തിക്കെട്ടിയ കഅ്ബയുടെ ഭാഗം രണ്ടുമീറ്റര്‍ ഉയരത്തില്‍ തൂവെള്ള പട്ടുതുണികൊണ്ടു മറയ്ക്കും. തിരക്ക് കൂടുമ്പോള്‍ ഹാജിമാര്‍ പിടിച്ചുവലിച്ച് കിസ്‌വയ്ക്കു കേടുപാടുകള്‍ സംഭവിക്കാതിരിക്കാനാണ് ഹറംകാര്യ വകുപ്പിലെയും കിസ്‌വ നിര്‍മാണ ഫാക്ടറിയിലെയും നിരവധി പേരുടെ സഹായത്താല്‍ കിസ്‌വ ഉയര്‍ത്തിവയ്ക്കുക.