നെടുമങ്ങാട്: കെ.എസ്.ആര്‍.ടി.സി ബസ്സില്‍ യാത്രചെയ്യുകയായിരുന്ന  ഒമ്പതാംക്ലാസ്  വിദ്യാര്‍ഥിനിയെ കണ്ടക്ടര്‍ ശാരീരികമായി പീഡിപ്പിച്ചതായി പരാതി. ഇന്നലെ രാവിലെ നെടുമങ്ങാട്-കുളപ്പട-പനയ്‌ക്കോട്-ഉഴമലയ്ക്കല്‍ ബസ്സിലാണ്  സംഭവം.
സ്‌കൂളിലേക്കു യാത്രചെയ്യുകയായിരുന്ന പെണ്‍കുട്ടിയുടെ സമീപത്തെത്തിയ കണ്ടക്ടര്‍ ശാരീരികമായി പീഡിപ്പിച്ചുവെന്നാണ് പൊലിസില്‍ ലഭിച്ച പരാതി. തുടര്‍ന്ന് ഉഴമലയ്ക്കലില്‍ ഇറങ്ങിയ പെണ്‍കുട്ടി അപ്പൂപ്പന്റെ വീട്ടിലെത്തി വിവരം ധരിപ്പിക്കുകയായിരുന്നു. പരാതിയുടെ അടിസ്ഥാനത്തില്‍ പൊലിസ് നെടുമങ്ങാട് ഡിപ്പോയിലെത്തിയെങ്കിലും ഇയാള്‍ മുങ്ങി. കണ്ടക്ടര്‍ മൂഴി സ്വദേശി ഗിരീഷി (27) നെ പ്രതിയാക്കി  പൊലിസ്  കേസെടുത്തു. നെടുമങ്ങാട് എസ്.ഐ ഷിബുകുമാറിന്റെ നേതൃത്വത്തില്‍ ഇയാള്‍ക്കായി  തിരച്ചില്‍ ആരംഭിച്ചിട്ടുണ്ട്.