പേരൂര്‍ക്കട: കഴിഞ്ഞദിവസം രാത്രി വാഴോട്ടുകോണം ജങ്ഷനിലുണ്ടായ അക്രമസംഭവവുമായി ബന്ധപ്പെട്ട്  പൊലിസ്  കേസെടുത്തു.
വാഴോട്ടുകോണം സ്വദേശികളായ മുജീബിന്റെയും സലീമിന്റെയും ചില ബന്ധുക്കള്‍ക്കെതിരേയാണ് കേസെടുത്തത്. മലിനജലം ഒഴുക്കുന്നതുമായി ബന്ധപ്പെട്ട് വാഴോട്ടുകോണം കമ്മ്യൂണിറ്റി ഹാളിനു സമീപം താമസിക്കുന്ന മുജീബും അയല്‍വാസി സലീമും തമ്മില്‍ തര്‍ക്കമുണ്ടായിരുന്നു. ഇത് അന്വേഷിക്കാന്‍ സ്ഥലത്തെത്തിയ പൊലിസ്  മുജീബിനെ മര്‍ദിച്ചുവെന്നാരോപിച്ച് നാട്ടുകാരും ഇയാളുടെ ബന്ധുക്കളും പൊലിസ്  ജീപ്പ് തടഞ്ഞിട്ടിരുന്നു. മുജീബ് മദ്യപിച്ചിരുന്നതായി പൊലിസ്  പറഞ്ഞു. മുജീബിനെയും സലീമിലെയും സ്റ്റേഷനിലെത്തിച്ചപ്പോള്‍ ഇവരുടെ ബന്ധുക്കള്‍ സ്റ്റേഷനുമുന്നിലിട്ടിരുന്ന ജീപ്പ് അടിച്ചുതകര്‍ക്കുകയായിരുന്നു. കസ്റ്റഡിയിലെടുത്തവരെ പിന്നീട് ജാമ്യത്തില്‍ വിട്ടയച്ചു.