മേപ്പയ്യൂര്‍: ഫാസിസത്തെ പ്രതിരോധിക്കാന്‍ സാംസ്‌കാരിക കൂട്ടായ്മകള്‍ വളര്‍ന്നു വരണമെന്ന് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി പറഞ്ഞു. എഴുത്തുകാര്‍ക്കും സാംസ്‌കാരിക പ്രവര്‍ത്തകര്‍ക്കും എതിരേ ഫാസിസത്തിന്റെ കടന്നാക്രമണത്തിന്റെ ഒടുവിലത്തെ ഉദാഹരണമാണ് കെ.പി രാമനുണ്ണിക്ക് നേരെയുള്ള കടന്നാക്രമണം.
അബുദബി ശക്തി അവാര്‍ഡ് ജേതാവ് പ്രൊഫ. സി.പി അബൂബക്കറിന് പുരോഗമന കലാസാഹിത്യ സംഘത്തിന്റെ നേതൃത്വത്തില്‍ മേപ്പയ്യൂര്‍ പൗരാവലി നല്‍കിയ സ്വീകരണത്തില്‍ സംസാരിക്കുകയായിരുന്നു അദ്ദേഹം . മേപ്പയ്യൂര്‍ എല്‍.പി സ്‌കൂള്‍ ഗ്രൗണ്ടില്‍ നടന്ന ചടങ്ങ് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനവും ഉപഹാര സമര്‍പ്പണവും നടത്തി. എന്‍. രാമദാസന്‍ അധ്യക്ഷനായി. കെ.ടി കുഞ്ഞിക്കണ്ണന്‍, രാജന്‍ തിരുവോത്ത്, മേലടി ബ്ലോക്ക് പഞ്ചായത്ത് പ്രസിഡന്റ് കെ. കുഞ്ഞിരാമന്‍, മേപ്പയൂര്‍ പഞ്ചായത്ത് പ്രസിഡന്റ് പി.കെ റീന, കെ.ടി രാജന്‍, കെ.കെ രാഘവന്‍, പൂഞ്ചോല പത്മനാഭന്‍, പി.പി രാധാകൃഷ്ണന്‍, എ.സി അനൂപ്, എന്‍.കെ ചന്ദ്രന്‍, സുരേഷ് കല്‍പ്പത്തൂര്‍, എ .എം കുഞ്ഞിരാമന്‍, മേപ്പയ്യൂര്‍ കുഞ്ഞമ്മദ്, മേപ്പയൂര്‍ ബാലന്‍, സുരേഷ് മേപ്പയൂര്‍ സംസാരിച്ചു. പ്രൊഫ.സി.പി അബൂബക്കര്‍ മറുപടി പ്രസംഗം നടത്തി. മേഖലാ സെക്രട്ടറി കെ. രതീഷ് സ്വാഗതവും പി.കെ ഷിംജിത്ത് നന്ദിയും പറഞ്ഞു.
വിവിധ കലാപരിപാടികളും ഫാസിസ്റ്റ് വിരുദ്ധ ചലചിത്ര പ്രദര്‍ശനവും നടന്നു.