വാഴക്കാട്: റഈസുല്‍ മുഹഖിഖീന്‍ കണ്ണിയത്ത് അഹമ്മദ് മുസ്‌ലിയാരുടെ ഇരുപത്തിയാറാം മഖാം ഉറൂസിന്റെ ഭാഗമായി സംഘടിപ്പിച്ച ജലാലിയ്യ റാത്തീബ് ആത്മീയ സംഗമത്തിന് മാനു തങ്ങള്‍ നേതൃത്വം നല്‍കി. സമസ്ത കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ പ്രാര്‍ഥന നടത്തി. ജലീല്‍ റഹ്മാനി വാണിയന്നൂര്‍ പ്രഭാഷണം നടത്തി.
ഇന്ന് രാവിലെ ഒന്‍പതിന് നടക്കുന്ന സമാപന സമ്മേളനത്തില്‍ സയ്യിദ് സാദിഖലി ശിഹാബ് തങ്ങള്‍ അധ്യക്ഷനാകും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. എം.ടി അബ്ദുല്ല മുസ്‌ലിയാര്‍ മഖാം സിയാറത്തിന് നേതൃത്വം നല്‍കും. കെ. ആലിക്കുട്ടി മുസ്‌ലിയാര്‍ അനുസ്മരണ പ്രഭാഷണം നടത്തും. അബ്ദുല്‍ നാസര്‍ ഹയ്യ് ശിഹാബ് തങ്ങള്‍, മുഹമ്മദ് കോയ തങ്ങള്‍ ജമലുല്ലൈലി, ഇ.ടി മുഹമ്മദ് ബഷീര്‍ എം.പി തുടങ്ങിയവര്‍ പങ്കെടുക്കും. വാവാട് കുഞ്ഞിക്കോയ മുസ്‌ലിയാര്‍ സമാപന ഖത്തം ദുആക്ക് നേതൃത്വം നല്‍കും. കാല്‍ ലക്ഷം പേര്‍ക്കുള്ള അന്നദാനവും നടക്കും.