കണ്ണാടിപ്പറമ്പ്: സുപ്രഭാതം ദിനപത്രത്തില്‍ വിദ്യാര്‍ഥികള്‍ക്കായി പ്രസിദ്ധീകരിക്കുന്ന 'വിദ്യാപ്രഭാതം' സമാഹരിച്ച് തയാറാക്കിയ സ്‌പെഷല്‍ പതിപ്പ് ശ്രദ്ധേയമായി. 

സുപ്രഭാതത്തിന്റെ നാലാം വാര്‍ഷികത്തോടനുബന്ധിച്ചാണ് കണ്ണാടിപ്പറമ്പ് ദാറുല്‍ ഹസനാത്ത് ഇസ്‌ലാമിക് കോളജ് സെക്കന്‍ഡറി അവസാനവര്‍ഷ വിദ്യാര്‍ഥികള്‍ സ്‌പെഷന്‍ പതിപ്പ് തയാറാക്കിയത്.
മുന്‍പ് പ്രസിദ്ധീകരിച്ച പതിപ്പിന്റെ രണ്ടാംഭാഗമായി 2016 വര്‍ഷത്തെ നൂറോളം പേജുകളാണു ശേഖരിച്ച് മനോഹരമായി ബൈന്റ് ചെയ്തത്. വരും വര്‍ഷങ്ങളിലും ഇതേരീതിയില്‍ പതിപ്പ് തയാറാക്കുമെന്ന് വിദ്യാര്‍ഥികള്‍ പറഞ്ഞു.
പ്രകാശനം ചെയ്ത പതിപ്പ് ഹസനാത്ത് ലൈബ്രറിയില്‍ വായനക്കാര്‍ക്കായി സൂക്ഷിച്ചിട്ടുണ്ട്. ഹസനാത്ത് കാംപസില്‍ നടന്ന ചടങ്ങില്‍ സുപ്രഭാതം എഡിറ്റര്‍ ഡോ. ബഹാഉദീന്‍ മുഹമ്മദ് നദ്‌വി എം.കെ.പി മുസ്തഫ ഹാജിക്കു നല്‍കി പ്രകാശനം ചെയ്തു.
ദുബൈ സുന്നി സെന്റര്‍ പ്രസിഡന്റ് ഹാമിദ് കോയമ്മ തങ്ങള്‍, പ്രിന്‍സിപ്പല്‍ അലി ബാഅലവി തങ്ങള്‍, സമസ്ത സെക്രട്ടറി പി.പി ഉമര്‍ മുസ്‌ലിയാര്‍ കോയ്യോട്, റിട്ട. എ.ഡി.എം ഒ. മുഹമ്മദ് അസ്‌ലം, മണിയപ്പള്ളി ആബൂട്ടി ഹാജി, എം. മൊയ്തീന്‍ ഹാജി, പാലത്തായി മൊയ്തു ഹാജി, അനസ് ഹുദവി അരിപ്ര, കെ.എന്‍ മുസ്തഫ, ഡോ. എം അബ്ദുസലാം, സകരിയ്യ ദാരിമി ചൊര്‍ക്കള, കെ.പി അബൂബക്കര്‍ ഹാജി, ഖാലിദ് ഹാജി, കമാലുദീന്‍ ഹുദവി, മുബാറക് ഹുദവി വേങ്ങര, കെ.എസ് സഫ്‌വാന്‍ അസ്‌ലഹി, അനസ് പെടേന പങ്കെടുത്തു.