കൂത്തുപറമ്പ്: നഗരസഭാ ആരോഗ്യ വിഭാഗം നടത്തിയ പരിശോധനയില്‍ കൂത്തുപറമ്പ് നഗരത്തിലെ നാലു ഹോട്ടലുകളില്‍ നിന്നു പഴകിയ ഭക്ഷണ സാധനങ്ങള്‍ പിടികൂടി. ഇന്നലെ രാവിലെ നഗരസഭാ സെക്രട്ടറി സജിത്കുകുമാറിന്റെ നേതൃത്വത്തില്‍ ടൗണിലെ പത്ത് ഹോട്ടലുകളിലാണ് ആരോഗ്യ വിഭാഗം പരിശോധന നടത്തിയത്. പഴകിയ നെയ്‌ച്ചോറ്, ചപ്പാത്തി, ചിക്കന്‍ കറി, ജിലേബി കൂട്ട്, നിരോധിച്ച പ്ലാസ്റ്റിക് കവര്‍ എന്നിവയാണ് പിടികൂടിയത്. സ്ഥാപന ഉടമകള്‍ക്കെതിരേ കേസെടുത്തു. രണ്ടാഴ്ച മുന്‍പും നഗരസഭാ ആരോഗ്യ വിഭാഗം നടത്തിയ പരിശോധനയില്‍ കൂത്തുപറമ്പ് ടൗണിലെ ഏതാനും ഹോട്ടലുകളില്‍ നിന്നു പഴകിയ ഭക്ഷണ സാധനങ്ങള്‍ പിടികൂടിയിരുന്നു.