കൊല്ലം: മാനവീകതയുടെ ഏറ്റവും വലിയ മൂല്യങ്ങളെ ലോകത്തിന് പരിചയപ്പെടുത്തിയ അനുപമ വ്യക്തിത്വമായിരുന്നു മുഹമ്മദ് നബി (സ)യെന്ന് കേരള വഖ്ഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ അഭിപ്രായപ്പെട്ടു.
എസ്.വൈ.എസ് കൊല്ലം ജില്ലാ കമ്മിറ്റിയുടെ ആഭിമുഖ്യത്തില്‍ കണ്ണനല്ലൂര്‍ ശംസുല്‍ ഉലമ നഗറില്‍ സംഘടിപ്പിച്ച മജ്‌ലിസുന്നൂര്‍ സംഗമവും, 'പ്രവാചകന്‍ അനുപമ വ്യക്തിത്വം' പ്രകീര്‍ത്തന സദസും ഉദ്ഘാടനം ചെയ്യുകയായിരു അദ്ദേഹം.
ജില്ലാ പ്രസിഡന്റ് അബ്ദുല്‍ വാഹിദ് ദാരിമി അധ്യക്ഷനായി. സംസ്ഥാന സെക്രട്ടറിയേറ്റ് മെംബര്‍ എസ്. അഹമ്മദ് ഉഖൈല്‍ മുഖ്യ പ്രഭാഷണം നടത്തി.
ജില്ലാ ആക്ടിങ് സെക്രട്ടറി എം. അബ്ദുല്‍ സമദ് മാസ്റ്റര്‍, സംഘടനാ കാര്യ സെക്രട്ടറി കുണ്ടറ എം. അബ്ദുല്ല, ജില്ലാ ഭാരവാഹികളായ അബ്ദുല്‍ ജവാദ് ബാഖവി, ഉമയനല്ലൂര്‍ നിസാര്‍ ഫൈസി, അബ്ദുല്‍ റഹിം റഷാദി, എസ്.എം.നിലാമുദ്ദീന്‍ മുസ്‌ലിയാര്‍, കിളികൊല്ലൂര്‍ മുഹമ്മദ് ഉവൈസ്, തല്‍ഹത്ത് അമാനി, മുഹമ്മദ് ഹാഷിം ചടയമംഗലം, മുഹമ്മദ് സിയാദ്, അബ്ദുല്‍ മജീദ് ദാരിമി, ടി.എ മുനീര്‍ അമാനി ബാഖവി, അനീസ് മുഹമ്മദ് സംസാരിച്ചു. പ്രവാസി ജീവിതം പൂര്‍ത്തിയാക്കി നാട്ടിലെത്തിയ കണ്ണനല്ലൂര്‍ അബ്ദുല്‍ മജീദ് ദാരിമിയെ സമ്മേളനത്തില്‍ വച്ച് പാണക്കാട് സയ്യിദ് റഷീദലി ശിഹാബ് തങ്ങള്‍ ആദരിച്ചു.