തൃക്കരിപ്പൂര്‍: പൊതുസ്ഥലങ്ങളില്‍ മൈക്ക് കെട്ടിയുള്ള ശബ്ദ മലിനീകരണം സ്‌കൂള്‍ പ്രവര്‍ത്തനങ്ങളെ ബാധിക്കുന്നതായി പരാതി.സ്‌കൂള്‍ പരിസരം, ആശുപത്രികള്‍ തുടങ്ങിയ പ്രദേശങ്ങളിലെത്തുമ്പോള്‍ മൈക്ക് ഓഫാക്കി കടന്നുപോകണമെന്നാണ് ചട്ടമെങ്കിലും ഇതു നടപ്പാക്കാറില്ലെന്നു പറയുന്നു.
ടൗണുകളില്‍ പ്രചരണ വാഹനം നിര്‍ത്തിയിട്ട് ഏറെ സമയം മൈക്കിലൂടെ പ്രചരണം നടത്തുന്നതു സ്‌കൂളുകള്‍ക്ക് മാത്രമല്ല വ്യാപാരികള്‍ക്കും മറ്റും ബുദ്ധിമുട്ടുണ്ടാക്കുന്നുണ്ട്. പലതവണ വ്യാപാരി സമൂഹം ഇത്തരം ശബ്ദമലിനീകരണത്തിനെതിരേ രംഗത്തുവന്നെങ്കിലും മാറ്റമുണ്ടാകുന്നില്ലെന്നാണു പരാതി.