അഞ്ചല്‍: ഇരുപത്തിരണ്ട് വര്‍ഷം മുമ്പ് ഭാര്യയെ കൊലപ്പെടുത്തി ശിക്ഷഅനുഭവിച്ച് പുറത്തിറങ്ങിയയാളെ ലോഡ്ജില്‍ തൂങ്ങിമരിച്ച നിലയില്‍ കണ്ടെത്തി.
ആയൂര്‍ ജവഹര്‍ ഹൈസ്‌കൂളിന് സമീപം കൈതോട് യമുന ഭവനില്‍ രാമചന്ദ്രനാ(54)ണ്  മരിച്ചത്. ഇന്നലെ രാവിലെ 7.30ഓടെയാണ് മൃതദേഹം മുറിയില്‍ കണ്ടത്. അഞ്ചല്‍ ചന്തമുക്കിലെ സ്വകാര്യ ലോഡ്ഡില്‍ ഏതാനും ദിവസം മുമ്പാണ് രാമചന്ദ്രന്‍ മുറിയെടുത്ത്.
ഇന്നലെ രാവിലെ ഏഴോടെ അടച്ചിട്ട മുറിയില്‍ നിന്ന് ദുര്‍ഗന്ധം ഉണ്ടായതിനെ തുടര്‍ന്ന ലോഡ്ജ് ഉടമ അഞ്ചല്‍ പൊലിസില്‍ വിവരം അറിയിക്കുകയും പൊലിസെത്തി മുറി തുറന്ന ് പരിശോധിച്ചപ്പോള്‍ രാമചന്ദ്രനെ തൂങ്ങി മരിച്ചനിയലയില്‍ കണ്ടെത്തുകയായിരുന്നു.
മൃതദേഹം  പോസ്റ്റമോര്‍ട്ടത്തിനായി തിരുവനന്തപുരം മെഡിക്കല്‍ കോളജാശുപത്രിയിലേക്കയച്ചു.