കണ്ണൂര്‍: പൗരത്വനിയമ ഭേദഗതിക്കെതിരേ നടത്തിയ ഹര്‍ത്താല്‍ ഫലത്തില്‍ ആര്‍.എസ്.എസിനെ സഹായിക്കുന്നതാണെന്ന് എസ്.എഫ്.ഐ അഖിലേന്ത്യാ പ്രസിഡന്റ് വി.പി സാനു. ഒറ്റക്കെട്ടായി ബി.ജെ.പി സര്‍ക്കാരിനെതിരേ നടത്തുന്ന സമരത്തെ ദുര്‍ബലപ്പെടുത്താനുള്ള ശ്രമമാണ് ചിലയിടങ്ങളില്‍ ഒറ്റതിരിഞ്ഞുള്ള സമരങ്ങളിലൂടെ നടക്കുന്നത്. വരാന്‍ പോകുന്നത് രൂക്ഷസമരമാണെന്നും ഡല്‍ഹിയിലടക്കം നടക്കുന്ന വിദ്യാര്‍ഥികളുടെ സമരം ഇതിന്റെ മുന്നോടിയാണെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.