സലാല: സമസ്ത കേരളാ ജംഇയ്യത്തുല്‍ മുഅല്ലിമീന്‍ അറുപതാം വാര്‍ഷിക മഹാസമ്മേളനത്തില്‍ ഉയര്‍ത്താനുള്ള അറുപതു പതാകകള്‍ വിവിധ മഖാമുകളില്‍ സിയാറത്ത് നടത്തുന്നതിനായി കൈമാറി. ഒമാനിലെ സലാലയില്‍ അന്ത്യവിശ്രമം കൊള്ളുന്ന ചേരമാന്‍ പെരുമാളി (താജുദ്ധീന്‍ -റ) ന്റെ മഖ്ബറയില്‍ സിയാറത്ത് നടത്തുന്നതിനായി പാണക്കാട് സയ്യിദ് ഹൈദരലി ശിഹാബ് തങ്ങളില്‍ നിന്നും ഏറ്റുവാങ്ങിയ പതാക മസ്‌കത്ത് എയര്‍പോര്‍ട്ടില്‍ സോഹാര്‍ സുന്നി സെന്റര്‍ പ്രസിഡന്റ് അല്‍ജസീറ ബാവഹാജിയില്‍ നിന്നും മസ്‌കത്ത് റെയ്ഞ്ച് ജനറല്‍ സെക്രട്ടറി സക്കീര്‍ ഹുസൈന്‍ ഫൈസി സ്വീകരിച്ചു.
അബ്ദുല്‍ റഹ്മാന്‍ ഫൈസി, അബൂബക്കര്‍ സിദ്ദിഖ് ദാരിമി, നൗഫല്‍ അന്‍വരി, മജീദ് മൗലവി, അബ്ദുല്‍ ഷുക്കൂര്‍ ഹാജി, അഹ്മദ് ശരീഫ്, ഫാറൂഖ്, അബ്ദുല്‍ സലാം, ശിഹാബുദ്ധീന്‍, മൊയ്ദു, മുഹമ്മദ് ഷബീബ്, മുഹമ്മദലി പൊന്നാനി, അബ്ദുലത്വീഫ് പൊന്നാനി പങ്കെടുത്തു.