കിഴിശ്ശേരി: ഓമാനൂര്‍ ഗവ.വൊക്കേഷനല്‍ ഹയര്‍സെക്കന്‍ഡറി സ്‌കൂളില്‍ 18 ക്ലാസ്മുറികളുടെയും നവീകരിച്ച പാചകപ്പുരയുടെയും ഉദ്ഘാടനവും പുതിയ കെട്ടിടത്തിന്റെ ശിലാസ്ഥാപനവും നടത്തി. 'എന്റെ സ്‌കൂളിന് എന്റെ സമ്മാനം' പദ്ധതിയുടെ ഭാഗമായാണ് ക്ലാസ്മുറികള്‍ നവീകരിച്ചത്.
ടി.വി ഇബ്രാഹീം എം.എല്‍.എ ഉദ്ഘാടനം ചെയ്തു. ചീക്കോട് പഞ്ചായത്ത് പ്രസിഡന്റ് കെ.പി സഈദ് അധ്യക്ഷനായി. കെ.കെ ശബീറലി ആമുഖ പ്രഭാഷണം നടത്തി.
പഞ്ചായത്ത് അംഗങ്ങളായ കെ.കെ ബഷീര്‍, പി.ബുഷ്‌റ, വി.സുലോചന, പ്രിന്‍സിപ്പല്‍ പി.സി സുനിത, എച്ച്.എം വി.അജിത കുമാരി, പി.ടി.എ പ്രസിഡന്റ് മുജീബ് കൂനുമ്മല്‍, ഇമ്പിച്ചിമോതി മാസ്റ്റര്‍, പി.അബ്ദുല്‍ അലി മാസ്റ്റര്‍, കെ.സുരേന്ദ്രന്‍, യു.കെ അബൂബക്കര്‍ മാസ്റ്റര്‍, കെ.പി മുഹമ്മദാജി, കരീം പൊന്നാട്, മൊയ്തീന്‍ അക്കരക്കണ്ടി, മമ്മദ് പുതുക്കുടി, കെ.കെ മുനീര്‍ മാസ്റ്റര്‍, യു.ഹുസൈന്‍ ഹാജി, മുബശിര്‍ ഓമാനൂര്‍, റിയാസ് ഓമാനൂര്‍, അഡ്വ.പി.കെ ശിഹാബുദ്ദീന്‍, പി.പ്രവീണ്‍ തുടങ്ങിയവര്‍ സംബന്ധിച്ചു.