കാളികാവ്: പന്ത്രണ്ടുകാരനെ പ്രകൃതിവിരുദ്ധ പീഡനത്തിരയാക്കിയ കേസില്‍ മൂന്നുപേരെ പൊലിസ് പിടികൂടി. ഒരു കുട്ടിയെത്തന്നെ പീഡിപ്പിച്ചതിന് ഏഴു കേസുകളാണ് രജിസ്റ്റര്‍ ചെയ്തിരിക്കുന്നത്. ചോക്കാട് പന്നിക്കോട്ടുമുണ്ട വാളക്കുളത്തെ ഹക്കീം, മെഹബൂബ് (47), ഗോവിന്ദന്‍ (67) എന്നിവരാണ് അറസ്റ്റിലായത്.
വ്യത്യസ്ത കേസുകളിലാണ് അറസ്റ്റ്. മൂന്നു കേസുകളിലെ പ്രതികള്‍ പ്രായപൂര്‍ത്തിയാകാത്തവരാണ്. നാലാമത്തെ കേസിലെ പ്രതി സജി ഒളിവിലാണ്. കാളികാവ് പൊലിസ് സ്റ്റേഷനില്‍ രജിസ്റ്റര്‍ ചെയ്ത മറ്റൊരു കേസിലെ പ്രതി സക്കീര്‍ രണ്ടു വര്‍ഷമായി കുട്ടിയെ പീഡനത്തിനിരയാക്കിയതായി മൊഴിയുണ്ട്. വീട്ടിലേക്കു വിളിച്ചുവരുത്തി അശ്ലീല ചിത്രങ്ങള്‍ ഫോണില്‍ കാണിച്ചായിരുന്നു പീഡനം. മെഹബൂബ് ഒരു വര്‍ഷവും ഗോവിന്ദന്‍ ഒരു തവണയും കുട്ടിയെ പീഡിപ്പിച്ചുവെന്നു പൊലിസ് പറഞ്ഞു. ഒളിവിലുള്ള പ്രതി സജി ആറു മാസമായി പലതവണ പീഡിപ്പിച്ചു. കുട്ടികള്‍ പ്രതികളായ കേസുകളില്‍ കോടതിയുടെ നിര്‍ദേശപ്രകാരമുള്ള നടപടികള്‍ സ്വീകരിക്കുമെന്നും അധികൃതര്‍ പറഞ്ഞു. കുട്ടിയുടെ ബന്ധു ശിശുക്ഷേമ വകുപ്പിനു നല്‍കിയ പരാതിയെ തുടര്‍ന്നാണ് നടപടി. വണ്ടൂര്‍ സി.ഐ എ.ജെ ജോണ്‍സനാണ് അന്വേഷണ ചുമതല. കാളികാവ് എസ്.ഐ എം.സി പ്രമോദിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.