പൊന്നാനി: എം.ഇ.എസ് കോളജിലെ എസ്.എഫ്.ഐ അക്രമത്തെ തുടര്‍ന്ന് എസ്.എഫ്.ഐ പ്രവര്‍ത്തകരായ 11 വിദ്യാര്‍ഥികളെ പ്രിന്‍സിപ്പല്‍ സസ്‌പെന്‍ഡ് ചെയ്തു. കോളജിനു മൂന്നു ലക്ഷം രൂപയുടെ നാശനഷ്ടങ്ങള്‍ സംഭവിച്ചിട്ടുണ്ടെന്നു പരാതില്‍ പറയുന്നു. ഇന്നലെ ചേര്‍ന്ന കോളജ് കൗണ്‍സില്‍ മുഹമ്മദ് റാഷിദ്, ഷമീര്‍, ഹനീന്‍, മുഹമ്മദ് ബിലാല്‍, മുഹമ്മദ് റാഫി, മുഹമ്മദ് ഷാമില്‍, ഷാരോണ്‍, ജിഷ്ണു, ഹാരിസ്, സൗരവ്, റനീഷ് എന്നീ വിദ്യാര്‍ഥികളെ സസ്‌പെന്‍ഡ് ചെയ്യാന്‍ തീരുമാനിക്കുകയുമായിരുന്നു. സംഭവം വിശദമായി അന്വേഷിച്ചു റിപ്പോര്‍ട്ട് സമര്‍പ്പിക്കാന്‍ പ്രൊഫ. മുഹമ്മദ് കോയയുടെ നേതൃത്വത്തില്‍ മൂന്നംഗ അന്വേഷണ കമ്മിഷനെ നിയോഗിച്ചിട്ടുണ്ട്. എസ്.എഫ്.ഐ നല്‍കിയ നോമിനേഷന്‍ സൂക്ഷ്മപരിശോധനയില്‍ തള്ളിയതിനെ തുടര്‍ന്നാണ് വ്യാഴാഴ്ച എസ്.എഫ്.ഐ പ്രവര്‍ത്തകര്‍ കോളജ് അടിച്ചു തകര്‍ത്തത്.