കൊച്ചി: ചില്ലറ വിപണിയില്‍ സവാള വില കുത്തനെ ഉയര്‍ന്ന് 160രൂപയിലെത്തി. മൊത്ത വിപണിയില്‍ 130രൂപയാണ് ഇന്നലത്തെ വില.
റോസ്, വെള്ള നിറത്തിലുള്ളതും അഫ്ഗാനിസ്താനില്‍ നിന്നെത്തിയ വലുപ്പം കൂടിയ സവാളയുമാണ് വിപണിയിലുള്ളത്. റോസ് നിറത്തിലുള്ള വലിപ്പം കുറഞ്ഞ സവാളയ്ക്കാണ് വില അല്‍പം കുറവ്. കിലോയ്ക്ക് 150രൂപയാണ് ചില്ലറ വിപണിയിലെ ഇതിന്റെ വില.
മൊത്ത വിപണിയില്‍ 130രൂപയും. ഇത്തരം സവാളയ്ക്കാണ് ആവശ്യക്കാരേറെയും. അഫ്ഗാനിസ്ഥാനില്‍ നിന്നെത്തിയ വലുപ്പമുള്ള സവാള ഹോട്ടലുകളിലാണ് കൂടുതലായി ഉപയോഗിക്കുന്നത്. ക്യാരറ്റ്, ക്യാബേജ് തുടങ്ങിയ പച്ചക്കറികള്‍ക്കും വില കൂടിയിട്ടുണ്ട്.