മണ്ണഞ്ചേരി: നാലുതറ അഹമ്മദ് മൗലവി ഇസ്ലാമിക് സെന്ററിന്റെ ആഭിമുഖ്യത്തില്‍ പൊന്നാട് ബാപ്പു മുസ്‌ലിയാര്‍ അനുസ്മരണവും ഹജ്ജ് യാത്രയയപ്പും സംഘടിപ്പിച്ചു.
നാലുതറ അഹമ്മദ് മൗലവി ഹിഫ്‌ളുല്‍ ഖുര്‍ആന്‍ കോളേജ് അങ്കണത്തില്‍ ആലപ്പുഴ ഡിവൈ.എസ്.പി എം.ഇ. ഷാജഹാന്‍ ഉദ്ഘാടനം ചെയ്തു. ചെയര്‍മാന്‍ റ്റി.എ.അഷ്‌റഫ് കുഞ്ഞാശാന്‍ അധ്യക്ഷത വഹിച്ചു. എ.ഇബ്രാഹിംകുട്ടി മൗലവി പ്രാര്‍ത്ഥനയും മുഹമ്മദ് ഹനീഫ ബാഖവി ബാപ്പു മുസലിയാര്‍ അനുസ്മരണ പ്രഭാഷണവും മുഹമ്മദ് മുസ്ലിഹ് ബാഖവി മുഖ്യപ്രഭാഷണവും നിര്‍വ്വഹിച്ചു. ഉസ്മാന്‍ സഖാഫി ഹാജിമാര്‍ക്ക് ഉപഹാരസമര്‍പ്പണം  നടത്തി.
എസ്.എം.ജെ അബൂബക്കര്‍, റ്റി.എച്ച് ജഅഫര്‍ മൗലവി, ഫൈസല്‍ ഷംസുദ്ദീന്‍, ഇഖ്ബാല്‍ സാഗര്‍, സലിം, കുന്നപ്പള്ളി മജീദ്, മഹല്‍-മസ്ജിദ്-മദ്‌റസ ഭാരവാഹികള്‍ പങ്കെടുത്തു. ജനറല്‍ സെക്രട്ടറി എന്‍.എ.മുഹമ്മദ് ഇഖ്ബാല്‍ സ്വാഗതവും എം.മുജീബ് റഹ്മാന്‍ നന്ദിയും പറഞ്ഞു.