എരുമേലി; എരുമേലി സര്‍ക്കാര്‍ ആശുപത്രിയില്‍ രാത്രിചികിത്സ മുടങ്ങിയിരിക്കുന്നതിനെതിരെ കോടതിയില്‍ ഹരജി. കഴിഞ്ഞ കുറേ നാളുകളായി സര്‍ക്കാര്‍ ആശുപത്രിയില്‍ രാത്രിചികിത്സമുടങ്ങിയിരിക്കുകയാണ്. ദിവസേന നൂറുകണക്കിനു രോഗികള്‍ചികിത്സക്കായി എത്തുന്ന ഈ ആതുരാലയത്തില്‍ രാത്രിചികിത്സ മുടങ്ങുന്നതും പതിവാണ്. ഇതിനെതിരെ പി.യു.സി.എല്‍ ജില്ലാ സെക്രട്ടറി എച്ച്. അബ്ദുല്‍ അസീസാണ ്‌കോടതിയെ സമീപിച്ചത്. രാത്രിചികിത്സ മുടങ്ങുന്നതിനെതിരെ പല പ്രാവശ്യം കോടതിയെ സമീപിച്ചെങ്കിലും ഏറ്റവും അവസാനമായി 2012-ല്‍ ഇവിടെസ്ഥിരമായി രാത്രിചികിത്സ ആരംഭിച്ചുകൊളളാമെന്ന് ആരോഗ്യവകുപ്പ് അധികാരികള്‍ സത്യവാങ്മൂലം നല്‍കിയിരുന്നു. എന്നാല്‍ ഇപ്പോള്‍ വീണ്ടും രാത്രിചികിത്സ നിലച്ചിരിക്കുകയാണ്. ഹരജി ഫയലില്‍സ്വീകരിച്ച് ആരോഗ്യവകുപ്പ്‌സെക്രട്ടറി, ആരോഗ്യവകുപ്പ്ഡയറക്ടര്‍, കോട്ടയം ജില്ലാമെഡിക്കല്‍ഓഫിസര്‍, എരുമേലി പ്രാഥമികാരോഗ്യകേന്ദ്രം മെഡിക്കല്‍ ഓഫിസര്‍ എന്നിവരോട് 17ന് ലീഗല്‍കോടതിയില്‍ ഹാജരാകുവാന്‍ അദാലത്ത് കമ്മിറ്റി ചെയര്‍മാന്‍ ഉത്തരവിട്ടു.