ന്യൂഡല്‍ഹി: പൗരത്വ ഭേദഗതി നിയമത്തിനെതിരെ ഡല്‍ഹിയിലെ ചെങ്കോട്ടയിലേക്ക് ആഹ്വാനം ചെയ്ത പ്രതിഷേധം തടയാന്‍ ഡല്‍ഹി പൊലിസ് റോഡുകള്‍ ബാരിക്കേഡ് ചെയ്യുകയും ഗതാഗത നിയന്ത്രണങ്ങള്‍ ഏര്‍പ്പെടുത്തുകയും ചെയ്തതോടെ വ്യാഴാഴ്ച രാവിലെ ദേശീയ തലസ്ഥാനത്തിന്റെ പല ഭാഗങ്ങളിലും വലിയ രീതിയിലുള്ള ഗതാഗത കുരുക്ക് അനുഭവപ്പെട്ടു.

ഡല്‍ഹി-ഗുഡ്ഗാവ് അതിര്‍ത്തിയെയാണ് ഇത് ഏറ്റവും കൂടുതല്‍ ബാധിച്ചത്.

ചെങ്കോട്ടക്ക് സമീപം നിരോധനാജ്ഞ പ്രഖ്യാപിച്ചിട്ടുണ്ടെങ്കിലും അവിടെ വന്‍ജനാവലിയാണ് പ്രതിഷേധത്തിനായി എത്തിയത്. പ്രദേശത്ത് കൂട്ട അറസ്റ്റ് നടക്കുകയാണ്.

പ്രതിഷേധക്കാര്‍ കടന്നുകയറാതിരിക്കാന്‍ നഗരത്തിലേക്ക് പ്രവേശിക്കുന്ന ഓരോ കാറും പരിശോധിക്കുന്നുണ്ടെന്ന് ട്രാഫിക് പൊലിസ് പറഞ്ഞു.