ബെര്‍ലിന്‍: യൂറോപ്യന്‍ ലീഗിലെ ഗോള്‍വേട്ടക്കാരിലെ മുമ്പനായി റോബര്‍ട്ട് ലെവന്‍ഡോസ്‌കി. ലയണല്‍ മെസ്സിയേയും കിലിയന്‍ എംബാപ്പെയേയും മറികടന്നാണ് ബയേണ്‍ മ്യൂണിക് താരം ലെവന്‍ഡോസ്‌കി സീസണില്‍ ഏറ്റവും കൂടുതല്‍ ഗോള്‍ നേടുന്ന താരമായത്. 20 മത്സരങ്ങളില്‍ നിന്നായി 19 ഗോളുകളാണ് ലെവന്‍ഡോസ്‌കി സ്വന്തമാക്കിയത്. 17 മത്സരത്തില്‍ നിന്ന് 17 ഗോളുമായി മെസ്സി രണ്ടാം സ്ഥാനത്താണ്. ഇറ്റാലിയന്‍ ടീമായ ജെനോവയുടെ താരം ക്രിസ്റ്റോഫ് പിയറ്റികിനും 17 മത്സരത്തില്‍ നിന്ന് 17 ഗോള്‍ സമ്പാദ്യമുണ്ട്. പി.എസ്. ജി താരം നെയ്മര്‍ 19 മത്സരത്തില്‍ നിന്ന് 16 ഗോളുമായി നാലാം സ്ഥാനത്താണ്. 19 മത്സരത്തില്‍ നിന്ന് 15 ഗോളുമായി ഫ്രാങ്ക്ഫര്‍ട്ട് താരം ലൂക്കയോവിച്ച് അഞ്ചാം സ്ഥാനത്തും നില്‍ക്കുന്നു. 15 ഗോളുള്ള കിലിയന്‍ എംബാപ്പെയും പട്ടികയില്‍ ഇടം നേടിയിട്ടുണ്ട്.