കല്‍പറ്റ: വയനാട്ടില്‍ വെള്ളച്ചാട്ടത്തിന് സമീപം കുളിക്കുന്നതിനിടെ കായംകുളം സേദേശികളായ മൂന്ന് യുവാക്കള്‍ മുങ്ങിമരിച്ചു. ആലപ്പുഴ കായംകുളം പുത്തന്‍പറമ്പില്‍ ധനേശന്റെ മകന്‍ നിധിന്‍(23), വല്യരിക്കല്‍ പീക്കട്ടില്‍ കാര്‍ത്തികേയന്റെ മകന്‍ ജിധിന്‍(23), വില്യാരിക്കല്‍ ബിജിലാല്‍(20) എന്നിവരാണ് മരിച്ചത്.

മേപ്പാടി ചുളിക്കയില്‍ വെള്ളച്ചാട്ടത്തില്‍ കുളിക്കുന്നതിനിടെയാണ് അപകടമുണ്ടായത്. മൃതദേഹങ്ങള്‍ മേപ്പാടിയിലെ സ്വകാര്യ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകായണ്. വയനാട്ടിലെ വിനോദ സഞ്ചാര കേന്ദ്രങ്ങള്‍ സന്ദര്‍ശിക്കാനെത്തിയ ആറംഗ സംഘത്തില്‍പ്പെട്ടവരാണ് അപകടത്തില്‍പ്പെട്ടത്. മൂന്ന് പേര്‍ സുരക്ഷിതരാണെന്നാണ് ലഭിക്കുന്ന വിവരം.