നെടുമ്പാശേരി: രണ്ട് സ്ത്രീകളില്‍ നിന്നായി അനധികൃതമായി കടത്താന്‍ ശ്രമിച്ച 1622.200 ഗ്രാം സ്വര്‍ണം നെടുമ്പാശേരി അന്താരാഷ്ട്ര വിമാനത്താവളത്തില്‍ കസ്റ്റംസ് വിഭാഗം പിടികൂടി.
പിടിച്ചെടുത്ത സ്വര്‍ണത്തിന് 45.98 ലക്ഷം രൂപ വില വരും. ഐ.എക്‌സ് 412 നമ്പര്‍ എയര്‍ ഇന്ത്യ എക്‌സ്പ്രസ് വിമാനത്തില്‍ ഷാര്‍ജയില്‍ നിന്നും എത്തിയ ആലപ്പുഴ സ്വദേശിയായ യുവതി വസ്ത്രത്തില്‍ ഒളിപ്പിച്ചാണ് സ്വര്‍ണം കടത്താന്‍ ശ്രമിച്ചത്. 1004.800 ഗ്രാം തൂക്കമുള്ള 11 സ്വര്‍ണക്കട്ടികളാണ് ഇവരില്‍ നിന്നും പിടികൂടിയത്. മറ്റൊരു എയര്‍ ഇന്ത്യാ വിമാനത്തില്‍ ജിദ്ദയില്‍ നിന്നും എത്തിയ മലപ്പുറം സ്വദേശിയായ സ്ത്രീ 617.400 ഗ്രാം തൂക്കമുള്ള സ്വര്‍ണാഭരണങ്ങളാണ് നികുതി വെട്ടിച്ച് കടത്താന്‍ ശ്രമിച്ചത്.