ഇസ്ലാമാബാദ്: കശ്മീരില്‍ സുരക്ഷാ സേനയുമായുള്ള ഏറ്റുമുട്ടലില്‍ വധിക്കപ്പെട്ട ഹിസ്ബുള്‍ മുജാഹിദീന്‍ കമാന്‍ഡര്‍ ബുര്‍ഹാന്‍ വാനിയുടെ ചിത്രങ്ങള്‍ പതിപ്പിച്ച് പാകിസ്താനില്‍ ട്രെയിന്‍. ആസാദി എക്‌സ്പ്രസിന്റെ ബോഗിയിലാണ് ബുര്‍ഹാന്‍ വാനിയുടെ ചിത്രങ്ങള്‍ പതിപ്പിച്ചത്.

ശ്രീനഗറില്‍ വെച്ച് ജൂലൈ 8 നാണ് ബുര്‍ഹാന്‍ വാനിയെ സുരക്ഷാസേന വധിച്ചത്. ഇയാള്‍ കൊല്ലപ്പെട്ടതിനെ തുടര്‍ന്ന് കശ്മീര്‍ താഴ്‌വരയിലുണ്ടായ സംഘര്‍ഷങ്ങള്‍ ഇനിയും അവസാനിച്ചിട്ടില്ല. ഇതുവരെ 58 പേരാണ് കശ്മീരില്‍ ഇതേ തുടര്‍ന്നുണ്ടായ സംഘര്‍ഷത്തില്‍ കൊല്ലപ്പെട്ടത്. 300 ഓളം പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.

ബുര്‍ഹാന്‍ വാനിയെ രക്തസാക്ഷിയെന്ന് വിശേഷിപ്പിച്ച പാകിസ്താന്റെ നടപടിയെ ഇന്ത്യ രൂക്ഷമായ ഭാഷയില്‍ വിമര്‍ശിച്ചിരുന്നു.