പയ്യാവൂര്‍: സാംസ്‌കാരിക വളര്‍ച്ചക്ക് ഗ്രന്ഥശാലകളുടെ പ്രവര്‍ത്തനം അനിവാര്യമാണെന്നും ഇന്ന് സമൂഹത്തില്‍ സംഭവിക്കുന്ന മൂല്യച്യുതിക്കും വര്‍ഗീയതക്കും കാരണം വായനാശീലത്തിലുണ്ടായ കുറവാണെന്നും കെ.സി ജോസഫ് എം.എല്‍.എ. നെല്ലിക്കുറ്റി കേരളോദയ വായനശാലയുടെ വയോവന്ദനം പരിപാടി ഉദ്ഘാടനം ചെയ്യുകയായിരുന്നു അദ്ദേഹം. ആദ്യകാല പ്രവര്‍ത്തകരെ ആദരിച്ചു. സോജന്‍ കാരാമയില്‍ അധ്യക്ഷനായി. വായനശാല പ്രസിഡന്റ് ടോമി ചാമക്കാലായില്‍, മധു തൊട്ടിയില്‍, കെ. രാഘവന്‍, മാര്‍ഗരറ്റ് ചാമക്കാലായില്‍, ജോസ്റ്റിന്‍ തട്ടാപറമ്പില്‍, റോബി ഇലവുങ്കല്‍, ഷാജന്‍ കൊട്ടാരത്തില്‍ സംസാരിച്ചു. ആദ്യകാല അംഗങ്ങള്‍ അനുഭവങ്ങള്‍ പങ്കുവച്ചു.