മസ്‌കറ്റ് : ഹ്രസ്വ സന്ദര്‍ശനാര്‍ഥം ഒമാനിലെത്തുന്ന പ്രമുഖ ഖുര്‍ആന്‍ പണ്ഢിതനും പ്രഭാഷകനുമായ ഉസ്താദ് റഹ്മത്തുല്ലാ ഖാസിമിക്കുള്ള സ്വീകരണവും മസ്‌കറ്റ് റൈഞ്ച് ജംഇയ്യത്തുല്‍ മുഅല്ലിമീന്‍ വാര്‍ഷിക ജനറല്‍ ബോഡിയും ഇന്ന് വൈകുന്നേരം 5 മണിക്ക് റൂവി മസ്‌കറ്റ് സുന്നി സെന്റര്‍ ഓഫീസില്‍വച്ച് നടക്കുമെന്ന് ബന്ധപ്പെട്ടവര്‍ അറിയിച്ചു.


ഇതോടനുബന്ധിച്ച് ഒമാനിലെ സമസ്ത കേരള ഇസ് ലാം മത വിദ്യഭ്യാസ ബോര്‍ഡിന് കീഴിലുള്ള മുഴുവന്‍ മദ്‌റസകള്‍ക്കും ഇന്ന് അവധിയായിരിക്കുമെന്ന് മസ്‌കത്ത് റൈഞ്ച് ഭാരവാഹികളും അറിയിച്ചു.