ഗൂഡല്ലൂര്‍: ദേവര്‍ഷോല പഞ്ചായത്തിലെ മച്ചിക്കൊല്ലി ബേബിനഗര്‍, മട്ടം, ചെമ്പകൊല്ലി ഗ്രാമങ്ങളിലെ ജനങ്ങള്‍ ജില്ലാ കലക്ടര്‍ പി ശങ്കറിന് നിവേദനം നല്‍കി.
20 വര്‍ഷം മുന്‍പ് കല്ലിട്ട ബേബിനഗര്‍ റോഡ് ടാറിങ് നടത്തുക, ചെമ്പകൊല്ലി ആദിവാസി കോളനിയിലേക്കുള്ള മണ്‍റോഡ് ടാറിങ് നടത്തുക, കോളനിയിലെ റോഡ്, കുടിവെള്ളം, തെരുവ് വിളക്ക് തുടങ്ങിയ അടിസ്ഥാന പ്രശ്‌നങ്ങള്‍ക്ക് പരിഹാരം കാണുക തുടങ്ങിയ ആവശ്യങ്ങളാണ് നിവേദനത്തില്‍ ചൂണ്ടികാട്ടിയിരുന്നത്.
കൂടാതെ ഉപയോഗ ശൂന്യമായി കിടക്കുന്ന കിണറുകള്‍ ശുചീകരിക്കുക, മേഖലയിലേക്ക് സര്‍വിസ് നടത്തുന്ന ട്രാന്‍സ്‌പോര്‍ട്ട് ബസ് സര്‍വിസുകള്‍ വര്‍ധിപ്പിക്കണമെന്നും നിവേദനത്തില്‍ ആവശ്യപ്പെട്ടിട്ടുണ്ട്.