തിരൂരങ്ങാടി: നിയോജക മണ്ഡലത്തിലെ ഗ്രാമീണ റോഡുകളുടെ നവീകരണത്തിന് 1.30 കോടി രൂപ അനുവദിച്ചതായി പി.കെ അബ്ദുറബ്ബ് എം.എല്‍.എ അറിയിച്ചു. എം.എല്‍.എയുടെ പ്രദേശിക വികസന ഫണ്ടില്‍ നിന്നുമാണ് തുക അനുവദിച്ചിട്ടുള്ളത്.
നന്നമ്പ്ര ഗ്രാമപഞ്ചായത്തിലെ ചെറുമുക്ക്-പാലാറമ്പ് റോഡ് എട്ട് ലക്ഷം, പരപ്പനങ്ങാടി നഗരസഭയിലെ ടൗണ്‍ ജി.എം.എല്‍.പി സ്‌കൂള്‍ റോഡ് -മൂന്നര ലക്ഷം, പരപ്പനങ്ങാടി മാതൃകാ അങ്കണവാടി കെട്ടിട നിര്‍മാണം -അഞ്ച് ലക്ഷം, പരപ്പനങ്ങാടി സ്റ്റേഡിയം-പനയത്തുകാട് ലിങ്ക് പാത്ത് വേ-അഞ്ച് ലക്ഷം, തിരൂരങ്ങാടി പത്തായക്കുണ്ട് റോഡ്-മൂന്ന് ലക്ഷം, നന്നമ്പ്ര പന്നിക്കുളം-പയ്യോളി അങ്കണവാടി റോഡ് കോണ്‍ക്രീറ്റ്- അഞ്ച് ലക്ഷം, കാച്ചടി പി.എം.എസ്.എ പൂക്കോയ തങ്ങള്‍ റോഡ് -നാല് ലക്ഷം, ചുള്ളിപ്പാറ -കൊടക്കല്ല് റോഡ് ഡ്രൈനേജ് നിര്‍മാണം-മൂന്ന് ലക്ഷം, ജി.എല്‍.പി സ്‌കൂള്‍ അങ്ങാടി റോഡ് നാല് ലക്ഷം, പുത്തരിക്കല്‍ പള്ളിത്താഴം റോഡ് -നാല് ലക്ഷം, പൂഴിംകുന്നത്ത് ലോക്കല്‍ റോഡ്-നാല് ലക്ഷം, പുറ്റാട്ട്തറ അങ്കണവാടി പാത്ത് വേ-നാല് ലക്ഷം, ദേവര്‍കുളം കൈനിക്കര റോഡ്-നാല് ലക്ഷം, കാരയില്‍ താപ്പി റോഡ്-നാല് ലക്ഷം, പിലാക്കല്‍ റോഡ്-നാല് ലക്ഷം, വടക്കേകാട് റോഡ്-നാല് ലക്ഷം, അമ്പലപ്പടി ചാത്തങ്ങാട് റോഡ്-നാല് ലക്ഷം, ഉളുന്താര്‍ എച്ചിക്കുപ്പ റോഡ് -നാല് ലക്ഷം, കുണ്ടൂര്‍ നടുവീട്ടില്‍ സ്‌കൂള്‍ പാചകപ്പുര നിര്‍മാണം-നാല് ലക്ഷം, ചെറുമുക്ക് കൊട്ടേരിത്താഴം റോഡ്- മൂന്ന് ലക്ഷം, മൊയ്തീന്‍ സ്മാരക പാവിട്ടചിറ റോഡ്- നാല് ലക്ഷം, തെന്നല തിരുത്തി കോറാലാന്‍ഡ് റോഡ് കോണ്‍ക്രീറ്റ്- നാല് ലക്ഷം, വാരിയത്ത് പാറ കാങ്കുളംപള്ളി റോഡ് കോണ്‍ക്രീറ്റ് നാല് ലക്ഷം, നേര്‍ച്ചപ്പാറ എലാന്തിക്കുണ്ട് റോഡ്- മൂന്ന് ലക്ഷം, പരപ്പില്‍ തോക്കയില്‍ റോഡ് കോണ്‍ക്രീറ്റ്- നാല് ലക്ഷം, ഒറ്റത്തെങ്ങ് ത്രീസ്റ്റാര്‍ റോഡ് കോണ്‍ക്രീറ്റ്- നാല് ലക്ഷം, കാംബ്രത്ത് ചെമ്മഞ്ചേരി റോഡ് കോണ്‍ക്രീറ്റ്-നാല് ലക്ഷം, അരീക്കല്‍ പന്തക്കന്‍ മദ്‌റസ റോഡ് കോണ്‍ക്രീറ്റ്- നാല് ലക്ഷം, പറമ്പില്‍പീടിക പണിക്കര്‍പടി എന്‍.എസ്.എസ് റോഡ് -നാല് ലക്ഷം, കറുത്താല്‍ അങ്കണവാടി റോഡ്- നാല് ലക്ഷം, തയ്യില്‍ കോളണി റോഡ്- മൂന്ന് ലക്ഷം, വരിക്കോടന്‍ പാത്ത് വേ-മൂന്ന് ലക്ഷം, എ.എം.എല്‍.പി സ്‌കൂള്‍ ഓട്ടുപാറപ്പുറം കംപ്യുട്ടര്‍വല്‍ക്കരണം-ഒരു ലക്ഷം രൂപ എന്നി പദ്ധതികള്‍ക്കാണ് തുക വകയിരുത്തിയിട്ടുള്ളത്.
ഒരോ പ്രദേശത്തിന്റെ ആവശ്യകത മനസിലാക്കുന്നതിന് നേരത്തെ നടത്തിയ വികസന സെമിനാറിലെ നിര്‍ദേശങ്ങളും തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിനിധികളുടെയും അപേക്ഷകള്‍ പരിഗണിച്ചാണ് ഓരോ പദ്ധതിക്കും തുക വകയിരുത്തിയിട്ടുള്ളതെന്ന് പി.കെ അബ്ദുറബ്ബ് എം.എല്‍.എ പറഞ്ഞു.