ചൂരല്‍മല: ആവശ്യമായ ജീവനക്കാരെ നിയമിച്ച് ചൂരല്‍മല-നീലിക്കാപ്പിലെ ഹെല്‍ത്ത് സെന്ററിന്റെ പ്രവര്‍ത്തനം പുനരാരംഭിക്കണമെന്ന് ചൂരല്‍മല ശാഖാ മുസ്‌ലിം യൂത്ത് ലീഗ് യോഗം അധികൃതരോടാവശ്യപ്പെട്ടു.
മാസങ്ങളായി പ്രദേശത്ത് ആശാവര്‍ക്കര്‍മാരുടെ സേവനവും ലഭ്യമല്ലെന്ന് യോഗം ആരോപിച്ചു. ഹെല്‍ത്ത് സെന്റര്‍ പ്രവര്‍ത്തനം പുനരാരംഭിക്കുന്നതിന് അടിയന്തര നടപടിയുണ്ടായില്ലെങ്കില്‍ ശക്തമായ സമരവുമായി മുന്നോട്ട് പോകുമെന്ന് യോഗം മുന്നറിയിപ്പ് നല്‍കി.
പഞ്ചായത്ത് യൂത്ത് ലീഗ് ട്രഷറര്‍ പി.വി നാസര്‍ ഉദ്ഘാടനം ചെയ്തു. കെ ഗഫൂര്‍ അധ്യക്ഷനായി. പി ഷറഫുദ്ധീന്‍, പി റഷീദ്, പി ഇര്‍ഷാദ്, കെ.സി ഷബീബ്, എം.കെ ഷമീര്‍, പി.പി ഇല്യാസ്, പി അബ്ദുല്‍ ഷഫീഖ് സംസാരിച്ചു.