പയ്യന്നൂര്‍: വഴി തര്‍ക്കത്തെ തുടര്‍ന്നുള്ള സംഘര്‍ഷത്തില്‍ മര്‍ദിച്ചെന്ന പരാതിയില്‍ എഴുപതുകാരനെ പൊലിസ് അറസ്റ്റുചെയ്തു. വെള്ളൂര്‍ പാലത്തറയിലെ വി.വി അഷ്‌റഫി (54) ന്റെ പരാതിയില്‍ എട്ടിക്കുളം സ്വദേശി എന്‍.ടി.പി ഹമീദ് ഹാജിയെ (70) ആണ് അറസ്റ്റ് ചെയ്തത്.
എട്ടിക്കുളത്ത് സഹോദരിയുടെ പേരിലുള്ള സ്ഥലത്തേക്കുള്ള വഴി തടസപ്പെടുത്തിയതു ചോദ്യം ചെയ്തതാണ് മര്‍ദനത്തിന് കാരണമെന്ന് അഷ്‌റഫ് പൊലിസില്‍ നല്‍കിയ പരാതിയില്‍ പറയുന്നു.