പട്‌ന: ബി.ജെ.പി സഖ്യത്തിലേക്ക് കൂടുമാറിയതോടെ ജനതാദളി(യു) ല്‍ നിലനില്‍ക്കുന്ന അനിശ്ചിതത്വത്തിന് അറുതിയില്ല. പാര്‍ട്ടി പിളര്‍പ്പിന്റെ വക്കിലെത്തി നില്‍ക്കുകയാണെന്ന വാദം ശക്തമായിരിക്കേ ശരത് യാദവിന്റെ നേതൃത്വത്തിലുള്ള വലിയൊരു വിഭാഗം പുതിയ പാര്‍ട്ടി രൂപീകരിക്കുമെന്ന ആശങ്ക നിതീഷ് വിഭാഗത്തെ ആശങ്കയിലാക്കിയിട്ടുണ്ട്. പാര്‍ട്ടിയുടെ മുതിര്‍ന്ന നേതാവായ ശരത് യാദവ് ഒരിക്കലും ലാലുവിന്റെ പാര്‍ട്ടിയായ രാഷ്ട്രീയ ജനതാദളിനെ പിന്തുണക്കുമെന്ന് വിശ്വസിക്കുന്നില്ലെന്ന് ജെ.ഡി.യു നേതാവും നിതീഷിന്റെ അടുത്ത ആളുമായ സുനില്‍കുമാര്‍ സിങ് പറഞ്ഞു.
സംസ്ഥാനത്ത് അധികാരം നഷ്ടമായപ്പോഴുള്ള ലാലുവിന്റെ പ്രതികരണമാണ് നിതീഷിനെതിരായ ആരോപണത്തിന് പിന്നില്‍. അദ്ദേഹത്തിന്റെ സഹായത്തിനായി ശരത് യാദവ് പോകില്ലെന്നാണ് പാര്‍ട്ടി വിശ്വസിക്കുന്നതെന്നും അദ്ദേഹം പറഞ്ഞു.