ഷൊര്‍ണൂര്‍: ബി.ജെ.പിയുടെ തകര്‍ച്ചക്ക് തുടക്കമായത് പ്രതിപക്ഷ ഐക്യത്തിന് വഴിയൊരുക്കുമെന്ന് സി.പി.ഐ സംസ്ഥാന അസി. സെക്രട്ടറി അഡ്വ. പ്രകാശ് ബാബു. സി.പി.ഐ ഷൊര്‍ണൂര്‍ ലോക്കല്‍ കമ്മറ്റിയുടെ ആഭിമുഖ്യത്തില്‍ കവളപ്പാറയില്‍ നടന്ന കുടുംബ സംഗമവും , നവോഥാന സദസും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
ബി.ജെ.പിയുടെ കലാപ ആഹ്വാനങ്ങള്‍ രാഷ്ട്രീയ മുതലെടുപ്പിനും, തെരഞ്ഞെടുപ്പു് ലക്ഷ്യമാക്കിയിട്ടുള്ളതാണെന്നുംഅദ്ദേഹം കുറ്റപ്പെടുത്തി. ശബരിമല വിഷയത്തില്‍ കോടതി വിധിയെന്ന യാഥാര്‍ഥത്തെ മറച്ചു പിടിച്ച് സംസ്ഥാന സര്‍ക്കാരിന് എതിരാക്കാന്നുള്ള നീക്കങ്ങള്‍ തിരിച്ചറിഞ്ഞ് കഴിഞ്ഞുവെന്നും, അദ്ദേഹം പറഞ്ഞു.
പട്ടാമ്പി മണ്ഡലം കമ്മിറ്റി സെകട്ടറി ഇ പി ശങ്കരന്‍, ജില്ലാകമറ്റിയംഗം, ആര്‍ അഭിലാഷ്, എന്നിവര്‍ പ്രസംഗിച്ചു. നഗരസഭ മുന്‍ അംഗം സാവിത്രി അധ്യക്ഷയായി. ചന്ദ്രശേഖരന്‍ സ്വാഗതവും, ലോക്കല്‍സെകട്ടറി എം.എ കൃഷ്ണന്‍കുട്ടി നന്ദിയും പറഞ്ഞു.