കൊല്‍ക്കത്ത: വിഖ്യാത അയര്‍ലന്‍ഡ് താരവും ടോട്ടനം ഇതിഹാസവും മുന്നേറ്റത്തിലെ കരുത്തനുമായ റോബി കീന്‍ അമര്‍ തൊമര്‍ കൊല്‍ക്കത്ത (എ.ടി.കെ)യില്‍. ഇന്റര്‍ മിലാന്‍, ലിവര്‍പൂള്‍, ടോട്ടനം, സെല്‍റ്റിക്, വെസ്റ്റ് ഹാം, ലാ ഗാലക്‌സി ടീമുകള്‍ക്കായി കളിച്ച ശേഷമാണ് 37കാരനായ താരം ഐ.എസ്.എല്ലിന്റെ ഭാഗമാകാനെത്തുന്നത്. 146 അന്താരാഷ്ട്ര മത്സരങ്ങളില്‍ അയര്‍ലന്‍ഡിനായി കളിച്ച കീന്‍ 68 ഗോളുകളും നേടിയിട്ടുണ്ട്. അയര്‍ലന്‍ഡിന്റെ എക്കാലത്തേയും മികച്ച ഗോള്‍ സ്‌കോററായ അദ്ദേഹം 2002ലെ ലോകകപ്പിലും 2012, 2016 യൂറോ കപ്പുകളിലും കളിച്ചിട്ടുണ്ട്.