ലക്‌നോ: ബി.ജെ.പിയുടെ തോല്‍വിയില്‍ ഉത്തര്‍പ്രദേശ് മുഖ്യമന്ത്രി യോഗി ആദിത്‌നാഥിനെതിരെ പരിഹാസ ശരമുതിര്‍ത്ത് എസ്.പി നേതാവ് അഖിലേഷ്. ബാക്കിയുള്ള ദൈവങ്ങലഉടെ ജാതി കൂടി വെളിപെടുത്തൂ. അങ്ങിനെയെങ്കില്‍ തനിക്ക് തന്റെ ജാതിയിലെ ദൈവത്തെ വിളിച്ചു പ്രാര്‍ഥിക്കാമായിരുന്നു എന്ന് അഖിലേഷ് പരിഹസിച്ചു.

രാജസ്ഥാനിലെ തെരഞ്ഞെടുപ്പ് പ്രചാരണത്തിനിടെ യോഗി നടത്തിയ ഹനുമാന്‍ ദലിതനാണെന്ന പരാമര്‍ശം ചൂണ്ടിക്കാട്ടിയായിരുന്നു അഖിലേഷിന്റെ പരിഹാസം. ഹനുമാന്‍ ദലിതനാണെന്നും അദ്ദേഹം എല്ലാ സമുദായങ്ങളെയും കൂട്ടി യോജിപ്പിക്കാന്‍ ശ്രമിച്ച വ്യക്തിയാണെന്നുമായിരുന്നു യോഗിയുടെ പരാമര്‍ശം.

അഖിലേഷിന്റെ പരാമര്‍ശത്തിനെതിരെ കടുത്ത വിമര്‍ശനവും ഉയര്‍ന്നിരുന്നു. യോഗി തെരഞ്ഞെടുപ്പ് റാലിക്ക് നേതൃത്വം നല്‍കിയ മണ്ഡലങ്ങളില്‍ ഭൂരിഭാഗത്തിലും ബി.ജെ.പി പരാജയപ്പെട്ടിരുന്നു.