തിരുവനന്തപുരം: പ്രതിരോധ മന്ത്രി അരുണ്‍ജെയ്റ്റിലിക്ക് കേരളത്തില്‍ നിന്നൊരു കത്ത്. സംസ്ഥാനത്ത് രാഷ്ട്രീയ സംഘട്ടനങ്ങളില്‍ പരുക്കേറ്റതും കൊല്ലപ്പെട്ടതുമായ ബി.ജെ.പി പ്രവര്‍ത്തകരുടെ വീടുകള്‍ സന്ദര്‍ശിക്കാന്‍ നാളെ സംസ്ഥാനത്തേക്ക് വരുമ്പോഴാണ് ആക്രമങ്ങളില്‍ കൊല്ലപ്പെട്ട സി.പി.എം രക്തസാക്ഷികളുടെ വീട്ടുകാരുടെ കത്ത്.

ബി.ജെ.പി പ്രവര്‍ത്തകരുടെ വീടുകള്‍ സന്ദര്‍ശിക്കുന്നത് പോലെ സി.പി.എം രക്തസാക്ഷികളുടെ വീടുകളും സന്ദര്‍ശിക്കണമെന്നാവശ്യപ്പെട്ടാണ് കത്ത്.

നാളെയാണ് അരുണ്‍ജെയ്റ്റ്‌ലി ബി.ജെ.പി പ്രവര്‍ത്തകരുടെ വീടുകള്‍ സന്ദര്‍ശിക്കാനെത്തുന്നത്. രാവിലെ
രാവിലെ 11.15ന് പ്രത്യേക വിമാനത്തില്‍ എത്തുന്ന ജയ്റ്റ്‌ലി ആദ്യം കഴിഞ്ഞ ദിവസം കൊല്ലപ്പെട്ട ആര്‍.എസ്.എസ് പ്രവര്‍ത്തകന്‍ രാജേഷിന്റെ വസതി സന്ദര്‍ശിക്കും. പിന്നീട ്ശ്രീകാര്യത്തു നടക്കുന്ന അനുസ്മരണ ചടങ്ങില്‍ പങ്കെടുക്കും. തുടര്‍ന്ന് അക്രമത്തില്‍ പരിക്കേറ്റ ആര്‍.എസ്.എസ് നേതാവ് ജയപ്രകാശിന്റെ വസതി സന്ദര്‍ശിക്കും. ഉച്ചയ്ക്ക് ആറ്റുകാല്‍ അംബിക ഓഡിറ്റോറിയത്തില്‍ അക്രമങ്ങളില്‍ പരിക്കേറ്റ പാര്‍ട്ടി പ്രവര്‍ത്തകരുടെ കുടുംബാംഗങ്ങളുമായി കൂടിക്കാഴ്ച നടത്തും. പിന്നീട് മാധ്യമങ്ങളെ കാണും.