കോഴിക്കോട്: പൗരത്വ നിയമ ഭേദഗതിയ്‌ക്കെതിരെ കോഴിക്കോട് യൂത്ത് ലീഗ് നടത്തിയ പ്രതിഷേധ മാര്‍ച്ചില്‍ സംഘര്‍ഷം. മാര്‍ച്ചിന് നേതൃത്വം നല്‍കിയ എം.കെ മുനീര്‍ അടക്കം പത്തോളം പേരെ പൊലിസ് അറസ്റ്റ് ചെയ്ത് നീക്കി.

മുനീറിന്റെ അറസ്റ്റില്‍ പ്രതിഷേധിച്ച് യൂത്ത് ലീഗ് പ്രവര്‍ത്തകര്‍ റോഡ് ഉപരോധിച്ചു.

രാവിലെ ഏഴ് മണിയോടെ ആരംഭിച്ച മാര്‍ച്ച് എം.കെ മുനീര്‍ ഉദ്ഘാടനം ചെയ്തു. ശേഷം പ്രതിഷേധവുമായി പ്രവര്‍ത്തകര്‍ പോസ്റ്റ് ഓഫിസിന് ഉള്ളിലേക്ക് കടക്കാന്‍ ശ്രമിച്ചതോടെയാണ് പൊലിസ് ഇടപെട്ടത്. പ്രവര്‍ത്തകരും പൊലിസും തമ്മില്‍ ഉന്തും തള്ളും ഉണ്ടാവുകയും ചെയ്തു.