നെട്ടൂര്‍: മഹല്ല് മുസ്‌ലിം ജമാഅത്തിന്റെ ആഭിമുഖ്യത്തില്‍ മഹല്ല് ഓഡിറ്റോറിയത്തില്‍ നടന്ന ഹജ്ജ് പഠനക്ലാസ്സും ഹാജിമാര്‍ക്കുള്ള യാത്രയപ്പും ഖത്തീബ് ഹൈദരലി അഹ്‌സനി ഉദ്ഘാടനം ചെയ്തു. മഹല്ല് പ്രസിഡന്റ് എ.എ കുഞ്ഞുമുഹമ്മദ് അധ്യക്ഷനായി. ഐക്യസംഘം ക്രെഡിറ്റ് കോര്‍പ്പറേഷന്റെയും മസ്ജിദുല്‍ ഹിമായയുടെയും സംയുക്താഭിമുഖ്യത്തിലും ഹജ്ജ് പഠനക്ലാസ്സും യാത്രയയപ്പും നടന്നു.
ക്രെഡിറ്റ് കോര്‍പ്പറേഷന്‍ പ്രസിഡന്റ് സി.എ.മുഹമ്മദ് ഹാജി അധ്യക്ഷനായി.  എടയപ്പുറം സെന്‍ട്രല്‍ ജുമാ മസ്ജിദ് ഇമാം ബുഹാരി ഫൈസി കണിയാപുരം മുഖ്യ പ്രഭാഷണവും പ്രാര്‍ത്ഥനയും നിര്‍വ്വഹിച്ചു. അബ്ദുള്‍ റഹ്മാന്‍ അല്‍ ഖാസിമി, സുഹാജ് സഖാഫി, അബ്ദുള്‍ കരീം, എ.എം മന്‍സൂര്‍, കുഞ്ഞുണ്ണിക്കര മഹല്ല് മുദരിസ് അല്‍ ഹാജ് എന്‍.കെ.അബ്ദുള്‍ മജീദ് ബാഖവി മുഖ്യ പ്രഭാഷണം നടത്തി. മസ്ജിദുല്‍ ഹിമായ ചീഫ് ഇമാം അല്‍ഹാജ് അബ്ദുള്‍ റഹ്മാന്‍ അല്‍ ഖാസിമി പ്രാര്‍ത്ഥനക്ക് നേതൃത്വം നല്‍കി. നെട്ടൂര്‍ മഹല്ല് ഖത്തീബ് ഹൈദരലി അഹ്‌സനി , സി.എം.ഇബ്രാഹീം ഹാജി, എ.എ.കുഞ്ഞുമുഹമ്മദ് എന്നിവര്‍   പ്രസംഗിച്ചു.