ആലുവ: ദി ആലുവ മര്‍ച്ചന്റ്‌സ് അസോസിയേഷന്റെ നേതൃത്വത്തില്‍ വ്യാപാരി ദിനം ആചരിച്ചു. വ്യാപരഭവനില്‍ നടന്ന ദിനാചരണം അസോസിയേഷന്‍ പ്രസിഡന്റ് ഇ.എം നസീര്‍ബാബു ഉദ്ഘാടനം ചെയ്തു. വൈസ് പ്രസിഡന്റ് എം.പത്മനാഭന്‍ നായര്‍ അഛ്യക്ഷത വഹിച്ചു. ലത്തീഫ് പൂഴിത്തറ, കെ.സി ബാബു, പി.എം മൂസാക്കുട്ടി, അജ്മാല്‍ കമ്പായി, എ.ജെ റിജാസ് എന്നിവര്‍ സംസാരിച്ചു. ജനറല്‍ സെക്രട്ടറി അഡ്വ.എ.ജെ റിയാസ് സ്വാഗതവും ട്രഷറര്‍ ജോണി മൂത്തേടന്‍ നന്ദിയും പറഞ്ഞു.
എടത്തല: കേരള വ്യാപാരി വ്യവസായി ഏകോപന സമിതി പുക്കാട്ടുപടി യൂണിറ്റിന്റെ ആഭിമുഖ്യത്തില്‍ വ്യാപാരിദിനം ആചരിച്ചു. യൂണിറ്റിനു കീഴില്‍ അഞ്ച് പ്രദേശങ്ങളില്‍ പതാക ഉയര്‍ത്തുകയും മധുര പലഹാരങ്ങള്‍ വിതരണം ചെയ്യുകയും ചെയ്തു. വ്യാപാര ഭവനില്‍ യൂണിറ്റ് പ്രസിഡന്റ് പി.എം.അഷ്‌റഫ് പതാക ഉയര്‍ത്തി.
പുക്കാട്ടുപടി ജംഗ്ഷനില്‍ ജനറല്‍ സെക്രട്ടറി സാബു പൈലിയും പഞ്ചായത്ത് റോഡ് ജംഗ്ഷനില്‍ സെക്രട്ടറി വി.എം ഹസ്സന്‍, കുഞ്ചാട്ടുകരയില്‍ വൈസ് പ്രസിഡന്റ് വി.കെ.രവീന്ദ്രന്‍, എടത്തലയില്‍ സെക്രട്ടറി പി.എ.നൈസല്‍ എന്നിവരും പതാക ഉയര്‍ത്തി. യൂത്ത് വിംഗ് പ്രതിനിധികളും, വനിത വിംഗ് അംഗങ്ങളും യൂണിറ്റിലെ വ്യാപാരികളും പരിപാടിയില്‍ പങ്കെടുത്തു. വ്യാപാരിദിനത്തിന്റെ ഭാഗമായി വനിത വിംഗ് അംഗങ്ങള്‍ പുക്കാട്ടുപടി മദര്‍ തെരേസ അഗതിമന്ദിരം സന്ദര്‍ശിച്ചു.