തിരുവനന്തപുരം: തലസ്ഥാനത്തെത്തിയ കര്‍ണാടക മുഖ്യമന്ത്രി വി.എസ് യെദിയൂരപ്പക്കുനേരെ ഇന്നും കരിങ്കൊടി. ഇന്നലെ വൈകീട്ടും യെദ്യൂരപ്പയെ കെ.എസ്.യു പ്രവര്‍ത്തകര്‍ കരിങ്കൊടി കാണിച്ചിരുന്നു. പൗരത്വഭേദഗതിബില്ലിനെതിരേ പടര്‍ന്ന പ്രതിഷേധത്തില്‍ കര്‍ണാടകയിലുണ്ടായ പ്രതിഷേധത്തിലും വെടിവെപ്പിലും മലയാളി മാധ്യമപ്രവര്‍ത്തകരെ കസ്റ്റഡിയില്‍ വെച്ചതിലുമെല്ലാമുള്ള പ്രതിഷേധമാണ് തലസ്ഥാനത്ത് അണപൊട്ടിയത്.
വിമാനത്താവളത്തിലും യെദ്യൂരപ്പയെ കരിങ്കൊടി കാണിച്ചു. പ്രതിഷേധിച്ച കെ.എസ്.യു പ്രവര്‍ത്തകരെ പൊലിസ് അറസ്റ്റ് ചെയ്ത് നീക്കി.
ശ്രീ പത്മനാഭ സ്വാമി ക്ഷേത്രം സന്ദര്‍ശിക്കുന്നതുള്‍പ്പെടെയുള്ള പരിപാടികള്‍ക്കായാണ് യെദ്യൂരപ്പ തിരുവനന്തപുരത്തെത്തിയത്. ഇന്നലെ വൈകിട്ട് ആറു മണിക്കുള്ള പ്രത്യേക വിമാനത്തിലാണ് യെദ്യൂരപ്പ കേരളത്തിലെത്തിയത്.