കൊല്‍ക്കത്ത: ബംഗാള്‍ ഗവര്‍ണര്‍ ജഗദീപ് ധങ്കറിന്റെ കാര്‍ വളഞ്ഞ് കരിങ്കൊടി കാണിച്ച് കൊല്‍ക്കത്തയിലെ ജാദവ്പൂര്‍ സര്‍വകലാശാല വിദ്യാര്‍ഥികള്‍. ഇന്ന് രാവിലെയായിരുന്നു സംഭവം. സര്‍വകലാശാലയിലെ ബിരുദദാനചടങ്ങില്‍ പങ്കെടുക്കാനെത്തിയതായിരുന്നു ഗവര്‍ണര്‍. ഇന്നലെയും വിദ്യാര്‍ഥികള്‍ സര്‍വകലാശാലയ്ക്കു മുന്നില്‍ ഗവര്‍ണറെ തടഞ്ഞിരുന്നു.

പൗരത്വ നിയമ ഭേദഗതിയെ പിന്തുണച്ചു കൊണ്ടുള്ള ജഗദീപ് ധങ്കറിന്റെ പരസ്യപ്രസ്താവനകള്‍, സര്‍വകലാശാലയുടെ വാര്‍ഷിക ബിരുദ ദാന ചടങ്ങില്‍ അദ്ദേഹത്തിന്റെ 'ഇടപെടല്‍' എന്നിവയില്‍ പ്രതിഷേധിച്ചാണ് വിദ്യാര്‍ഥികളുടെ നടപടി.

ഇത്തരമൊരു സാഹചര്യം സര്‍വകലാശാല അധികൃതര്‍ അനുവദിച്ചതെങ്ങനെയെന്നും എന്തുകൊണ്ടിത് അവരെക്കൊണ്ട് നിയന്ത്രിക്കാന്‍ കഴിയുന്നില്ലെന്നും എനിക്ക് അത്ഭുതം തോന്നുന്നു. ആ സംവിധാനം തന്നെ തകര്‍ന്നിരിക്കുന്നു- ഗവര്‍ണര്‍ പ്രതികരിച്ചു.