വടകര: വടകര എംപ്ലോയ്‌മെന്റ് എക്‌സ്‌ചേഞ്ചില്‍ എംപ്ലോയ്‌മെന്റ് രജിസ്‌ട്രേഷന്‍ സീനിയോറിറ്റി നഷ്ടപ്പെടാതെ പുതുക്കാന്‍ അവസരം. പേര് രജിസ്റ്റര്‍ ചെയ്ത് പുതുക്കാന്‍ വിട്ടുപോയവര്‍ക്കും (രജിസ്‌ട്രേഷന്‍ കാര്‍ഡില്‍ പുതുക്കേണ്ട മാസം 1997 ഒക്ടോബര്‍ മുതല്‍ 2018 ഓഗസ്റ്റ് വരെ രേഖപ്പെടുത്തിയവര്‍ക്ക്), സീനിയോറിറ്റി നഷ്ടപ്പെടുത്തി റീ-രജിസ്റ്റര്‍ ചെയ്തവര്‍ക്കും എംപ്ലോയ്‌മെന്റ് എക്‌സ്‌ചേഞ്ച് മുഖേന ജോലി ലഭിച്ച് നിയമാനുസൃതം വിടുതല്‍ ചെയ്ത്, സര്‍ട്ടിഫിക്കറ്റ് ചേര്‍ക്കാത്തതിനാല്‍ സീനിയോറിറ്റി നഷ്ടപ്പെട്ടവര്‍ക്കും അവസരം ഉപയോഗപ്പെടുത്താം.
ഇതിനായി ഉദ്യോഗാര്‍ഥികള്‍ എംപ്ലോയ്‌മെന്റ് കാര്‍ഡും എല്ലാ സര്‍ട്ടിഫിക്കറ്റുകളും സഹിതം ഡിസംബര്‍ 31 വരെയുള്ള പ്രവൃത്തിദിവസങ്ങളില്‍ എക്‌സ്‌ചേഞ്ചില്‍ ഹാജരാകണം. ഓണ്‍ലൈന്‍ പോര്‍ട്ടല്‍ വഴിയും പുതുക്കാം.